Diyarname

Serdozgerê Komarê yê Yargitayê (Dadgeha Bilind) Abdurrahman Yalçinkaya di 16.11.2007'an de bi îdîaya "Piştgirî dide PKK'ê" doz li DTP'ê (Demokratîk Toplum Partisi ango "Partiya Civaka Demokratîk") vekiribû û xwestibû partî bê girtin. Di îdîanameyê de xwestibû ji bo 8 mebûs û 221 DTP'yiyan qedexeya siyasî bê. Li ser vê di roja 11.12.2009'an de DTP hatibû girtin.

Parêzerên DTP'ê doz biribû Dadgeha Mafên Mirovan a Ewropayê (DMME).

DMME'yê niha biryar da û got ku di biryargirtinê de xala 11'an a Peymana Mafên Mirovan a Ewropayê û xala 3/1 a mafên hilbijartina serbest hatiye binpêkirin. DMME'yê DTP wekî "Di çareserkirina pirsgirêka kurd ji bo çareseriya aştiyane DTP aliyê siyasî ye" bi nav kir û got ku ji ber vê yekê azadiya birêxistinkirinê nayê asteng kirin. Her wiha diyar kir ku di naveroka axaftina du siyasetmedaran ji bo girtina partî sedem nîn in. Li ser van DMME'yê Tirkiye mehkûm kir û her wisa ceza li Tirkiyeyê birî ku Ahmet Turk û Aysel Tugluk her yek 30 hezar Euro dewlet bide wan û ji bo Ahmet Ay jî xwest dewlet 7 hezar û 500 Euro tazmînata manewî bide wî.

Di dema girtina DTP'ê de dadgehê ji bo van kesan qedexeya siyasî anî bû: Abdulkadir Fırat, Abdullah İsnaç, Ahmet Ay, Ahmet Ertak, Ahmet Türk, Ali Bozan, Ayhan Ayaz, Aydın Budak, Ayhan Karabulut, Aysel Tuğluk, Bedri Fırat, Cemal Kuhak, Deniz Yeşilyurt, Ferhan Türk, Fettah Dadaş, Hacı Üzen, Halit Kahraman, Hatice Adıbelli, Hilmi Aydoğdu, Hüseyin Bektaşoğlu, Hüseyin Kalkan, İbrahim Sungur, İzzet Belge, Kemal Aktaş, Leyla Zana, Mehmet Salih Sağlam, Mehmet Veysi Dilekçi, Metin Tekçe, Murat Avcı, Murat Taş, Musa Farisoğulları, Mustafa Tuç, Nejdet Atalay, Nurettin Demirtaş, Orhan Miroğlu, Sedat Yurttaş ve Selim Sadak.