Diyarname

Nivîskar û rewşenbîrê kurd Faîk Bulut ku heta niha îmzeya xwe avêtiye gelek pirtûkên li ser kurdan û dîroka kurdan niha yeka din li wan zêde kir: “Tarih Boyunca Kurtlerde Dîplomasî” (Ji dîrokê ve li nav kurdan dîplomasî). Pirtûk ji Weşanên Evrenselê derket û giha Fûara Pirtûkan a Stenbolê. Her wiha li ser vê meseleyê panelek jî li dar dikeve.

Di nav dîrokê de karê dîplomasiyê gelek girîng bû. Di roja me de ku kurd berxwedanek mezin didin karê dîplomasiyê wekî beşek hê girîngtir xwe nîşan dide. Kurd ku hê nebûne dewlet cihê wan ê di nav dîplomasiyê de çi ye? Kurdan dema têkoşîn dida karek çawa a dîplomasiyê kirin? Bi kî re îtîfak çêkirin?.. Ev xebata Faîk Bulut bersiva van pirsan û gelek pirsên didin dide.

Bulut ji gelek çavkaniyan sûde wergirtiye û li ser dîplomasiya kurdên çar parçeyan sekiniye

Pirtûk wekî du cild hatiye amade kirin û di cilda yekemîn de mijarên wekî pênaseyên dîplomasî ku di çarçoveya pêşketinên dîrokî de hatine guherîn, dîroka dîplomasiya kurdan, dîplomasiya Barzanî Talabanî, pêşketiya Rêveberiya Herêma Kurdistanê ku piştî Şerê Kendavê ya sala 1991'ê derket holê cih digirin.

Di cîlda duyemîn de jî karê dîplomasiyê ya têkoşîna kurdan a li Îran, Sûriye, Tirkiye ku sed sal e didomin hatiye nirxandin. Hin hevpeyvînên bi nûnerên kurdan re hatine kirin meseleya dîplomasiya kurdan zelal dikin.

Panelek li ser meseleyê

Weşanên Evrenselê ligel weşandina pirtûkê panelek jî ji bo nivîskar Bulut di çarçoveya fûarê de amade kiriye. Panel bi sernavê "Ji paşeroj heta îro dîplomasiya kurdan" li dar dikeve. Ligel Faîk Bulut, Firat Aydinkaya û Fehîm Işik wê wekî axifger beşdarî panelê bibin. Panel roja 14'ê mehê saet di navbera 16.45-17.45'an di li Salona Kinali li dar dikeve.

- Tarih Boyunca Kurtlerde Dîplomasî/ Faik Bulut / Weşanên Evrensel / Cilda Yekem 552 rûpel, Cilda duyem 516 rûpel

**

Nûçeyên eleqedar:
- Weşanxaneyên kurd ên beşdarî Fûara Stenbolê dibin diyar bûn

*** 

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.