Diyarname

Kovara kurdî Nûbihar ku sê mehan carekê derdikeve hejmarete nû ya taybet derxist. Kovarê di vê hejmara xwe ya 126’an de kurdên Qafqasyayê girtiye dest û hemû hejmar li ser wan amade kiriye.

Nûbiharê hejmara xwe ya nû pêşkêşî xwendevanên xwe kir. Di vê hejmarê de bi amadekariya Hasan Akboga ku xwendekarê Lîsansa Bilind ya Zanîngeha Çewligê ye li ser kurdên Qafqasyayê hatiye sekinîn. Di vê hejmarê de hin helbest hatine weşandin. Ji bilî helbestan hemû nivîsên di kovarê de li ser kurdên Qafqasyayê ne. Ji aliyê dîrok, wêje, çand, xebatê ve li ser wan hatiye sekinîn. Ji Radyoya Yêrîwanê heta rojnameya Rêya Teze, ji romanên kurdên Qafqasyayê heta rewşa zimanê wan, gelek nivîsên ku divê di arşîva mirov de hebin di kovarê de cih girtine.

Kovar bi nivîsa berpirsiyarê giştî yê kovarê Suleyman Çevik dest pê dike ku Çevik di nivîsa xwe de behsa kurdên ku li derî welatê xwe dijîn dike û gotinê tîne ser kurdên Ermenistanê û dibêje: “Her kurd deyndarê kurdên Qafqasyayê ye!” 

Di kovarê de Hasan Akboga: “(Pêşkêşî) Kurdên Qafqasyayê”, Wezîrê Eşo: “Konferansa Kurdzaniyê ya yekemîn li Yêrîvanê”, Eskerê Boyîk: “Rojnameya Riya Teze”, Têmûrê Xelîl: “Ew ji cîhanê bi xeyd çû: Fêrîkê Ûsiv”, Mehmet Gultekîn: “Kurdên Qafqasya Başûr -Dîrok û Zargotin-” , Nîhat Gultekîn: “Qonaxa rewşenbîriya zimanê Kurdî: Radyoya Yêrîvanê”,  Prof. Dr. Ordîxanê Celîl: “Radyoya Yêrîvanê û bîranînên min”, Kawa Nemir: “Qanatê Kurdo: Yek ji baskên çanda me” , Goran Candan: “Heciyê Cindî: Jiyan û Kar”, Paşa Amedî: “Malbata Casimê Celîl”, Zeynelabidîn Zinar: “Kurdistana Sor”, Murad Celalî: “Di romanên Erebê Şemo Jiyana Bextewar û Hopo de: Tîpên şoreşger ên romantîk!”, Memo Şahîn: “Kurdên Ermenistanê hewceyî alîkariyê ne!”, Omer Toprak: “Ji aliyê vegotinzaniyê ve nirxandina Xatê Xanimê”, Nûrcan Sartik: “Taybetiya romannûsiya Kurdên Qafqasyayê”, Omer Delîkaya: “Di wêjeya Qafqasan de teyrekî xerîb: Sîras!” û Hasan Akboga: “Helbesta “Zimanê Kurdî” û helbestvanekî winda: Dr. Şikoyê Hesen!” nivîsiye. Her wiha di vê çarçoveyê de Rahmetullah Karakaya jî bi Eskerê Boyîk li ser kurdên Qafqasyayê hevpeyvînek kiriye û bi sernavê “Şûrê destê şervanê me, zimanê me ye” weşandiye.

Ji bo têkilî: nubihar@gmail.com Tel: 0212 519 00 09,