Diyarname
Ji îro çend nûçeyên ku derketin pêş em didin ser hev û pêşkêşî we dikin... Fermo...
YE'yê têkiliya ligel Tirkiyeyê da rawestandin.
Parlemena Ewropayê muzakereyên endamtiyê yên di navbera Yekîtiya Ewropayê (YE) û Tirkiyeyê de ji bo demek dan rawestandin. Pêşnûmaya rawestandina muzakereyan bi 479 dengî hat qebûlkirin. 37 mebûs dij derketin û 107 mebûsî jî ne di warê erê, ne di warê na de deng dan û bêalî man. Parlemena Ewropayê yekemîn car li Tirkiyeyê re dibêje "Na". PE dê vê biryarê ragihîne û rêberên YE'yê û biryara dawî dê ew bidin. Rêberên YE'yê meha pêşiya me dê li hev bicivin û biryarek bidin.
Avusturyayê ambargoya çekan danî ser Tirkiyeyê
Parlemena Ewropayê biryar girt ku ambargoya çekan deyne ser Tirkiyeyê. Mebûsa Partiya Kestan Bêrîvan Aslan ji twittera xwe biryar ragihand. Li gor agahiyê 6 partiyên il meclisê bi hev re biryarname amade kirine û bi yek dengî hatiye qebûlkirin. Di pêşnûmayê de hat gotin ku di bin navê têkoşîna li hemberî terorê de li hemberî rojnameger, nivîskar, akademisyen û muxalifan operasyon hatiye dest pê kirin, piştî hewldana derbeyê bi hezaran kes ji peywirê hatine girtin.
Li Wanê erdhej çêbû
Li Wanê di du rojan de sêyemîn car erdhej çêbû. Di saet 19.40 de erdehejk navenda wê gundên Qelqeliya Wanê bû çêbû. Erdhej di meziniya 4'an de bû.
Li Amedê esnafan dikan girtin
Li Amedê ligel yeko yeko esnafên biçûk derabeyên xwe datînin, veberhênan jî herêmê diterikînin. Derdorên odeyên kar û esnafan diyar kirin ku, di vê sala dawî de li bajêr zêdeyî 2 hezar esnafî derabeyên xwe danîne û anîn ziman ku, tu beramberiyeke pakêtên teşwîqî yên hikûmetê jî tune ye.
Nameya Demîrtaş hat sansorkirin
Berdevkê HDP'ê Ayhan Bîlgen, di salona civîna HDP'ê ya Meclisê de derbarê rojevê de daxuyanî da. Bîlgen, diyar kir ku Hevserokê Giştî yê HDP'ê Selahattîn Demîrtaş hefteya borî xwest ji civîna partiyê re nameyekê bişîne lê nameya ku bi awayekî kêfî nedan wan, niha bi awayekî sansorkirî dan wan.
Bîlgen nameya 3 rûpel a hatiye sansonkirî nîşanda û wiha got: "Me nameya ku hevserokê me ji bo civîna du hefte berê ya partiyê şandibû û negihiştibû destê me girt. Ev ji bo Tirkiyeyê şermeke. Ev valahî hatine sansorkirin. Em ê niha vê nameyê bi we re parve nekin. Em ê di civîna hefteya bê ya partiyê de parve bikin. Di nameyê de nirxandinên li ser dîroka siyasî ya Tirkiyeyê û geşedanên li Rojhilata Navîn hene. Lê di van rûpelan de tenê hevokek û nîv heye. Hûn ji vê ditirsin. Hûn ji agahdarbûna gel a ji du hevokên hevserokê me ditirsin. Hûn çawa ji posterên ku li ser nivîsîne 'dest nede vîna min' ditirsin hûn wiha ji nameyê jî ditirsin. Di vir de çi hatiye nivîsîn bila eşkere bikin. Di kîjan aliyê vê de ferman heye? Ev di dîroka demokrasiyê ya Tirkiyeyê de şermek mezin e. Ev pêkanîna şêwirmedan dide xuyakirin ku çima ji parlamenterên me yên wekî Ahmet Turk ditirsin."
Bîlgen, bi bîr xist ku piştî rojan şêwirmendê HDP'ê derxistin dozgeriyê û wiha got: "Gotin ku ji ber karên zêde yên dozger nikarin şêwirmendan derxin dozgeriyê. Hevalên me yên ku tenê peywira wan karkerên zanistîne çima dikin hedefên siyasî? Ji cihekê li benda agahiyekê ne? li holê delîlek jî tune ye ji bo girtinê hûn li tiştekî digerin?"
