Diyarname

Her ku diçe anketên li ser hilbijartinê zêde dibin. Niha du hebên din jî hatin weşandin. Yek jê anketa SAMER'ê ye ku ew bi xwe nêzî tevgera kurd in û anketa din jî SONAR'ê kiriye.

SONAR: HDP sedî 11.5

Serokê SONAR'ê Hakan Bayrakçi ji bo CNNTurkê axivî. Bayrakçi got ku AKP heta sedî 40'î daketiye. CHP li dor 26, MHP li dor sedî 18-19 ye û dengên HDP'ê jî sedî 11.5 in.

Li gor Bayrakçi bi vê encamê AKP nikare 276 mebûsan bigire û hikumetê saz bike.

Her wiha Bayrakçi got ku anketa xwe ya dawî ya berî hilbijartinê dê roja 27'ê gulanê biweşînin.

SAMER: HDP sedî 10.9

SAMER'ê di rojên 17-22'yê vê mehê de li 7 herêm, 28 bajar, 110 navçeyan bi 4150 cihî rû bi rû anket saz kir. Li gor encama SAMER'ê AKP sedî 41.6, CHP sedî 26, MHP sedî 14.7 û HDP sedî 10.9 e. Her wiha SP sedî 2.2 dixuye.

Di lêkolînê de hatiye gotin ku sedî 4.2 kesên bêbiryar hene û piştî ev li partiyan tên belavkirin encam wisa dibe:

AKP: Sedî 43.3, CHP sedî 27.1, MHP sedî 15.3, HDP sedî 11.3, SP-BBP sedî 2.3 û yên din sedî 0,6.

Dîsa SAMER'ê di encama ku belav kiriye de dibêje sedî 32'yên bersiva wan dane gotine ku ew dixwazin HDP bendavê derbas bike.