Diyarname
TRT ku dê bi kurdî weşanê bike malpera xwe li ser 30 zimanan çê kir lê ka kurdî?
Wezîrê Dewletê Mehmet Aydin îro di merasima vekirina malpera TRT ku bi 30 zimanan dest bi weşanê kir de axivî. Aydin got: "Emê tenê dinyayê ne şopînin, keda xwe jî bixin nava vê. Emê bi zimanên welatên din vê yekê bikin."
Aydin da zanîn ku dê malpera TRT Tirkiyeyê bi dinyayê bide nasin.
Wezîrê Ragihandinê Binali Yildirim jî got: "TRT bi 30 zimanan nûçeyan radigihîne hemû çandan, hemwelatiyên wan dewletan agahdar dike, xizmeteke baş dike."
Malper niha bi zimanên niha bi zimanên tirkî, almanî, erebî, arnawûdî, azerî, boşnakî, bulgarî, çîn^,i darîkî, farisî, fransizî, gurcî, hirvatî, îngilîzî, spanyolî, îtalî, kazakî, kirgizî, macarî, makedonî, ozbekî, peştucî, romî, rusî, sirbî, tatarî, tirkmenî, urdukî, yewnanî û uygurî weşana xwe ya ceribandinê dike.
Wekî televîzyon TRT ku amadehî dike bi kurdî weşanê bike lê wisa xuya dike ku qet nehatiye bîra wan ku kurdî jî bixin nava van 30 zimanên malpera xwe. Yan jî hatiye bîra wan lê ji bo kurdî neqejirînin nexistine navê. Nêzîktêdayîna ji bo kurdî careke din derkete holê.
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.