Diyarname

Mebûsê HDP’ê yê Şirnexê Faysal Sariyildiz xwest çapxaneya meclisê qerta pîrozbahiyê ya sersalê çap bike lê çapxaneyê ji ber ku bi kurdî ye çap nekir.

Li Tirkiyeyê ÇPapxaneya Meclisê heye û girêdayî Serokatiya Têkiliyên Gel û Çapemenî û Weşanê ye. Mebûs ji bo çapkirina qert û tiştên wisa serî li vê çapxaneyê didin; mafê wan e ku çapxane daxwaza wan bîne cih. Mebûsê Şirnexê Faysal Sariyildiz xwest ev çapxane qertê pîrozbahiyê ya sersalê ku wî amade kiribû çap bike. Meclisê bersiva neyînî da Sariyildiz û got: “Kurdî ne zimanekî neteweyî ye û li dinyayê di nav 200 zimanên wekî zimanê neteweyî hatine qebûlkirin de cih nagire, lewma em nikarin bi kurdî çap bikin.”

Sariyildiz ji Çîçek pirsî ku kurdî li dinyayê ji aliyê nêzî 40 mîlyon kurdî ve tê bikaranîn û li Zagona Bingehen a Iraqê duyemîn zimanê fermî ye gelo li gor Serokatiya Meclisê kurdî ne zimanekî neteweyî ye?

Mebûsê HDP’ê Sariyildiz haya we ji biryara ku qerta min a sersalê bi kurdî çap nekirine heye yan na? Li ser bi zimanê zikmakî anîna ziman a fikrên xwe hûn çi difikirin?

Sariyildiz herî dawî ji Çîçek pirsî ku ji bo bidawîkirina vê eybê dê tu hewldanên we hebin an na?