Diyarname
Sosyolog Îsmaîl Beşîkçî ku bi xebatên xwe yên li ser kurdan tê nasîn, cara yekem li Amedê derket pêşberî hezkiriyên xwe. Ji ber eleqeya zêde hezkiriyên Beşîkçî ji bo ku pirtûkên xwe bidin îmzekirin bi saetan di rêzê de man.

Rêveberê Fewqa Îsmaîl Beşîkçî Ahmet Onal ku bi wî re li Amedê ye, diyar kir ku ji duh ve heta niha nêzikî sê hezar kesan pirtûk girtine û bi Îsmaîl Beşîkçî dane îmzekirin.
Onal da zanîn ku Beşîkçî ji bo gelê kurd wekî milet were qebûlkirin û mafê wî were dayîn gelek bedelên mezin daye û got: “Gelê kurd miletekî wefadar e, bi salan e Beşîkçî ji bo wan dixebite û di vê riyê de gelek salên xwe di zindanan de derbas kiriye, niha jî kurd vê wefadariya xwe nîşan didin. Bi rastî hezkirin û eleqeyeke pir mezin heye…”

Foto: Dawud Rêbiwar