Diyarname
Pirtûka nû ya nivîskar Receb Dildar bi navê “Li Dû Xezalekê” ji Weşanên AVA derket û li Fûara Pirtûkan a Stenbolê derket pêşberi xwendevanan.
Receb Dildar ku heta niha yek jê helbest, didu jê çîrok çapkiribû niha pirtûkek din a çîrokan pêşkêşî çîrokhezên kurdî kir. Dildar ku di çîrokên xwe de zimaneke herikbar bikar tîne, di vê pirtûkê de jî heman şêwe xwe nîşan daye.
Pirtûk ji donzdeh çîrokên nûjen û ji nod û şeş rûpelan pêk tê. Mijara çîrokan bi giştî li ser evîn, têkiliyên mirovan û pirsgirêkên jiyanê ne.
Nivîsên Receb Dildarê ku wekî helbestkar û nivîskar hatiye nas kirin di gelek kovar û malperan de belav bûne. Li ser ziman û edebiyata kurdî xwediyê kedek giran e.
Dildar heta niha di pêşbaziya çîrokên zarokan ya Şaredariya Sûrê ya Amedê de xelata yekemînî wergirtiye. Dîsa di pêşbaziya çîrokan ya Kovara Nûbiharê ya hejmara 100’emîn de jî xelata yekemînî wergirtiye.

Receb Dildar kî ye?
Nivîskar Receb Dildar di sala 1958’an de li Amedê hatiye dinyayê. Ji bilî çar salên dibistana mamostetiyê ya Kirşehîrê hema bibêje hemû jiyana wî li Amedê derbas bûye. Piştî darbeya 12’yê Rezberê ya 1980’yan çar salan di Zindana Amedê de maye û heta dawiya emrê wî karên dewletê (kamû) lê hatiye qedexekirin.
 
Pirtûkên Receb Dildar:
1- Kewê Canê, helbest, 2003
2- Dewran (Seyît Alp) Wergera ji bo kurdî, 2005
3- Şikefta Xwekuştinê, çîrok, 2008
4- Li dû xezalekê çîrok 2012

Li dû xezalekê / Receb Dildar / Çîrok / 96 rûpel