Diyarname
Hevserokê BDP'ê Gultan Kişanak ji bo biserdegirtina DÎHA, Ozgur Gundem, Etha û saziyên din şermezar bike îro wekî nûçegîhana DÎHA'yê çû çalakiya KESK û TTB'ê şopand.

Kişanak piştî tevî mîkrofan û kameramanê DÎHA'yê li Enqereyê çalakî şopand, çû ajansê û nûçeya xwe amade kir. Lê di heman demê de ji dêvla ew nûçe çêbike, ew bi xwe bû nûçe. Hemû televîzyon û rojnameyan berê objektîfa xwe da Kişanak. Ev wêne jî ji wir ma.

Her wiha Mebûsê BDP'ê Sirri Sureyya Onder jî bi makîneya fotografan li ser navê DÎHA'yê çalakiya KESK'ê şopand û bi vî awayî piştgirî da DÎHA'yê.

Wekî notek: Roja 20'ê mehê polîsan bi ser saziyên çapemeniyê yên kurd de girtibû û di encamê de 37 kes girtibû bin çavan.