Amet
Bloka Ked, Demokrasî û Azadiyê ji bo piştî hilbijartinê dê çi bikin bi beyan-nameyeke (roja 6'ê mehê) eşkere kirin. Di beyannameya ku 38 rûpel hatiye amadekirin de di bin 8 sernavên bi vî rengî, "demokratîkî", "aborî", "perwerdehî û tenduristî", "hawirdor", "xweza û ekolojî", "ciwan", "bajar", "astengbar", "polîtîkaya derve" û "jin" de fikrên xwe an3in ziman.

Ji bo eşkerekirina beyan-nameyê daxuyaniyeke hate dayîn. Hevserokên BDPê Hamit Geylani û Filiz Koçali, berendamên serbixwe Selahattin Demirtaş, Gultan Kişanak, Sirri Sureyya Onder, Altan Tan, Emine Ayna, Ahmet Levent Tuzel, û şaredarên BDP'yî amade bûn.

Ji beyan-nameyê van hin xal:

- Zagoneke azadîxwaz û demokratîk dê bê amadekirin.
- Ji bo pirsgirêka çareseriyeke demokratîk
- Avakirina komîsyona heqîqeyan
- Guhartina Zagona Partiyên Siyasî û bendava hilbijartinê
- Avakirina rêveberiyên xweseriya demokratîk
- Betalkirina YOK û MGK'ê.
- Çêkirina reformê ji bo Dadgeriyê
- Perwerdehiya bi zimanê zikmakî
- Derxistina efûyeke giştî ya siyasî
- Rakirina astengiyên li pêşiya azadiya raanê
- Betalkirina Wezareta Karên Diyanetê
- Cemxane bibin xwedî statuya îbadetxaneyan
- Rakirina destnedayîna mebûsan
- Ji bo hemwelatiyan mafê wekhev a olî û etnîkî.

Li ser van xalan agahiyên berfih hatin dayîn. Mînak bendava hilbiartinê bi temamî dê bê rakirin, hevserokî bê geşkirin, alîkariya xezîneyê ji bo hemû partiyên ku dikarin bikevin hilbijartinê bê belavkirin, meclisên xweser ên ciwan û jinan di partiyan de bêne avakirin.

Ji bo rêveberiyên xweseriya demokratîk fikir ev e: Li gor kakilê Komara Demokratîk Xweseriyên Demokratîk bêne avakirin. Li gor sosyo-aborî Tirkiye li 20-25'an herêmên serbixwe bê parvekirin. Meclisên van rêveberiyan dê hebin. Xizmetên ewlehî û edaletê dê hikumeta navendî û meclisên herêmî bi hev re bikin. Zimanê fermî ku tirkî ye li hemû welat dê hebe, pêre jî herêm li gor pêdiviya xwe dê zimanên din wekî zimanê duyemîn, sêyemîn bikar bînin. Meclisên herêmî li gor meziniya xwe digel butçeya ku hikumeta navendî bide, dê her sal ji dahatûya xwe ya herêmî jî ji bo xizmetê parê bigire. Herêmên ku hindik pêşketine dê ji bo wan cudatiya potîzîf bê sazkirin.

Di warê perwerdehiyê de wisa hate gtin: "Di belavkirina dahatûyê de edalet hebe. Ji bo feqîran ne sedeqe, lê ji bo debareke mirovane û ewlehiya civakî bê pêşkêşkirin; li hemberî betalî kar bê dîtin, ji bo her kesî tenduristî û ewlehiyeke civakî ya bê pere bê terxankirin."

Ji bo pêşxistina aborî ji holêrakirina newekheviya herêman, avakirina Navendên Pêşxistina Hêrêmî bê avakirin. Ji bo herêmên li paş mane Fona Pêşxistina Navendî bê avakirin. Pergala bacê ya bê edalet bê rakirin.
Bi destê rêveberiyên herêmî bi taybetî herêmên taybet ên ji bo goşt û berhemên şîr, hunguvkarî, digel sewalvanî, genim, findiq, çay, tirî, zeytûnan bêne çêkirin û ji bo pêşxistina çandiniyê dê hewldan bêne dayîn. Gundên hatine valakirin ji nû ve bêne çêkirin.
Ji bo pêşvebirina hilberîn, xerckirin û pêşxistinê li ser bingeha koperatîkarî planên pêxsitina herêman bêne çêkirin.

Ji bo parastina xwezayê plan dê bêne çêkirin. Dê pêşî li qirêjiya senayî ku behran, golan û ava bin erd qirêj dike bê girtin. Dê cihên mîrateya dîrokî û çandî yên wekî Mûnzûr, Heskîf, Allionai, xwezaya Karadenîzê ji bo HES'an (Hidro Elekrtik Sanrtal) nekin qurban, li van deran di cih de dê dawî li xebata HES'an bê anîn.
Di vî warî de dê polîtîkayên ji bo fîdeya civakê ya li ser bingeha ekolojîk bê sazkirin.

Di polîtîkaya derve de Tirkiye dê ji NATO'yê bê derxistin, ji ber tu sedemî dê hêzên çekdarî neyînin operasyonên derveyî sînor. Baregehên welatên biyanî yên li Tirkiyeyê dê bêne girtin. Tirkiye ji bo çekên nukleer li dinyayê neyên çêkirin dê bixebite.

Li Tirkiyeyê di serî de gelê kurd, gelên din ên wekî ereb, suryanî, çerkeç, laz ku li vê erdnîgariyê dijîn dê bi zimanê xwe yê zikmakî perwerdehî bikin.