Rêveberiya dewletan neynika civaka xwe ye
Ew cîhana mezin ya bê dawî, îro di destên mirovan de bûye wekî gogeke lîstokê. Globalîzm bûye serdest.
Mirovê hemdem êdî li þûna tore, kevneþopî û urf û edetên bav û kalan pîvanên hiqûqa navneteweyî û awayê jiyana gerdûnî ji xwe re esas digire.
Êdî wisa bûye eger mirov li gorî çerxa demê nemeþe ji nîmetên cihanê bê par dimîne.
Neteweperestî jî wekî nijadperestî êdî bala mirovê hemdem nakiþîne, heta wê wekî fikreke kevnar û paþverû dibîne.
Ev formul ji bo sîstemên welatan jî wisa ye.
Rêveberiya Dewletan neynika civaka xwe ye.
Civakek ku nesîbê xwe ji jiyana nûjen negirtibe, haya wê ji pîvanên gerdûnî çênebûbe, wê çawa karibe ji rêvebiriya welatê xwe daxwaza mafên xwe û yên gerdûnî bike?
Lewma jî dikare her cure kesayetiyên ucube, yan jî rêvebiriyên totalîter û dikta hilbijêre.
Ji xwe haya civakeke wiha ji maf, edalet, wijdan, erdem çênabe ku karibe li gorî wan ji rêveberiya xwe re îtîraz bike.
Tu çi bidê þikir dike û bi wî razî dibe.
Însiyatîf ji destan derdikeve, nikare bibe xwedî biryar û îrada xwe wenda dike.
Di vê derê de girîngiya pewerdehiyê derdikeve holê.
Di þerten îro de, ji ber pêþketinên teknolojik tekiliyên di navbera mirovan de wisa hêsan bûne ku êdî cudahiya di navbera çand û gelên cihanê de her ku diçe kêmtir dibe. Mirov di derheqê her aliyên cihanê de kengê bixwaze dikare bibe xwedi agahî.
Ev serdema ku em tê de ne firsendên mezin derxistine pêþiya kurdan. Eger em nikaribin nîmetên vê serdemê ji bo pêþeroja xwe bikarbînin, çarenûs û qedera wan dikeve destê hêzên cuda.
Ev serdema ku em tê de ne, em mecbûr kirine ku em qedera xwe biguherînin, reng û þeklekî estetîk bidin jiyana xwe ya siyasî û civakî.
Mijareke din ku dixwazim balê bikiþînim ser, bêtehemuliya li hemberî fikir û ramanên cuda ya ku di van demên dawî de di nava civaka me de zêde bûye.
Bi her awayî cudahî, bi taybetî jî ya fikir û raman eger wekî dewlemendî neyê dîtin, ev dibe sedema pevçûnan.
Li deverekê eger mirov tehemulê fikrên hev nekin û lê tolerans nebe awayê jiyanê, serhiþkî, dizîn, þêlandin, þer û pevçûn û diktatorî lê hukum diajo.
Ji bo yên bixwazin guhdarî bikin: