Niha li Tirkiyeyê mijara sereke nîqaşa sazkirina hikumetek Koalîsyonê ye. Dê kîjan partî bi kîjan partî re li hev bike ne diyar e.
Bernameya pêşiya Tirkiyeyê ev e: Îro YSK encamên teqez eşkere kirin.* Niha wê mebûs sond bixwin, serokek ji bo meclisê bê hilbjartin û dûre Serokomarê Tirkiyeyê dê mafê çêkirina hikumetê bide partiya yekemîn (AKP). Û wê çaxê dê gera ji bo sazkirina koalîsyonê dest pê bike.
Hin îhtîmal:
1- AKP+CHP
Ev îhtîmalek xurt e bi ya min.
2- AKP+MHP
MHP berî her tiştî dixwaze dest ji pêvajoya çareseriyê bê berdan, Serokomar Erdogan dest ji AKP û hikumetê berde, wezîrên berê ji bo careke din darizandinê bişînin ber dadgehê. AKP dê çawa nêzî van bibe ne diyar e, lê hinek zehmet e. (îhtîmala vê sedî 50-50 ye)
3- CHP+MHP
Dengên herduyan têrê nakin. Encax HDP di nav de, yan jî ji derve de piştgirî bide dikare çêbe. Ew jî MHP sedî sed naxwaze. MHP naxwaze bi tu awayî ligel HDP'ê di koalîsyonekê de be.
4- AKP+HDP
Jixwe sedema nivîsandina min a vê nivîsê ev xala dawî ye.
Bi ya min HDP heda dawî dê bisekine û ger ji her sê xalên pêşî ku me rêz kirin encamek dernekeve di vê xala 4'an de dê bikeve nav tevgerê.
HDP'ê eşkere kiribû ku bi tu awayî dê bi AKP'ê re di nav hikumetê de cih negire.
Ger dor were ser vê xalê ez dibêjin dê sistbûnek çêbibe, lê HDP dê dest ji rêgezên xwe bernede. AKP dê li gor van rêgezan tevbigere yan na ez nizanim, lê bi ya min rêgezên HDP'ê dê derkevin pêş û encam jî li gor vê dê şikil bigire.
Di vî warî de ez dixwazim çend tiştan bibêjim:
HDP bi ser ket û Erdogan têkçû. Bi vê têkçûnê re CHP jî, MHP jî û muxalîfên din ên li Tirkiyeyê jî hinek rehet bûn. Gavek be jî pêşî li dîktatoriya mimkûn e çêbiba hat girtin.
Pêşî li pergala Serokdewletî hat girtin. HDP'ê soza ku dabû mebûsan (Emê te nekin serokdewlet) bi cih anî. Heta vir temam e.
Û ez dibêjim ger rewş were û HDP ligel AKP'ê rûnê dê van xalan bide pêş, li gor van xalan dê hikumet çêbibe yan nebe derkeve holê:
- Careke din qalnekirina pergala Serokdewletî. (Û pêre jî bi paşvekişîna Erdogan. Li ser vê belkî nesekinin lê HDP di pratîkê de dê pêşî li Serokomar bigire)
- Guherîna zagonên partiyên siyasî, daxistina bendava sedî 10'î.
- Guherina Zagona Bingehîn (di dema nû de ji bo meclisê, êdî ev meclis çend salan bidome)
- Bi awayekî fermî qebûlkirina Cemxaneyan (Bi ya min ji vê dê paş ve gav neavêje).
- Bi yekcarê ji holê rakirina Zagona Polîsan a ku Hikumeta AKP'ê berî hilbijartinê derxistibû.
- Ji holê rakirina Zagona Têkoşîna Bi Terorê re.
- Serbestberdana Azadiya Ramanê.
- Qebûlkirina pergala nû ya Rêveberiyên Herêmî.
- Serbestberdana girtiyên nexweş (gavek zûtir)
- Girtina çend wezaretên girîng.
Bi ya min HDP heta van rêgezan nede qebûlkirin dê nebe şirîkê hikumetek ligel AKP'ê. Ji van xalên girîng dema bêne qebûlkirin ew hikumet dê çêbe.
Ev tiştên me Diyarê Me de niha gotin li cihek not bikin.
*
Û nota dawî: HDP vê pêvajoyê baş bimeşîne dê kar bike...
***
Nûçeya eleqedar:
.jpg)
.jpg)
