Diyarname

Kongreya Neteweyî ya Kurdan vê mehê di navbera 24-26'ê mehê de dê li dar bikeve. Vane hin agahiyên li ser kongreyê:

- Kongre wê roja 24'ê mehê li Hewlêrê dest pê bike û ji her derdorî kurd, partî û rêxistinên kurdan beşdar bibin.

- Di kongreyê de 600 delege dê hebin. Mijara sereke jî dê meseleya rojavayê Kurdistanê be.

- Pirsgirêkên kurdan ên her çar parçeyan, pirsgirêka kurd a li Bakur jî di nav mijarên dê bên nîqaşkirin de ye.

- Kongre wê bi axaftina vekirinê ya çend zavarayan (wekî kirmanckî, goranî, kurmancî) dest pê bike. 

- Kongre dê ne li dijî dewletên ku Kurdistan di bin desthilatdariya wan de ye, lê di heman demê de dê ji dewletan daxwaza mafên kurdan bê kirin.

- Îngilistan, Rusya û Dewletên Yekbûyî yên Amerîkayê jî wekî mêvan hatine vexwendin. Ev dewlet ger bixwazin dê nûnerên xwe bişînin.

- Neteweyên Yekbûyî (NY) jî wekî çavdar hatiye vexwendin. Her çiqas hatina wan hê tam zelal nebûbe jî tê gotin ku nûnerê NY'yê dê wekî çavdêr li kongreyê amade be.

- Kongre ji bo başûr û rojavayê Kurdistanê dê ji NY'yê bixwaze ku ev her du parçe bikevin bin "statuya çavdêr" a NY'ê. Neteweyên Yekbûyî welatên ku digire bin "Statuya Çavdêr", piştî çavdêriya salan (li gorî welatan ev dem diguhere) biryarê dide ku ew wekî welat bê pejirandin an na.