Stenbol
Endam û rêveberên NÇM, Komeleya Lêkolînên Kurdî û Dibistana Muzîkê ya Egîdî Cimo, ligel hezkirên kurdî li Stenbolê ji bo zimanê kurdî meşiyan. Dayikên Aştiyê, endamên TJA, DEM Partî jî amade bûn. Her wiha Mebûsên DEM Partî Çîçek Otlu û Omer Ocalan jî beşdarî meşê bûn.

Berî destpêkirina serdena perwerdehiyê ya sala 2025-26'an a Tirkiyeyê ev meş hat li dar xistin. Armanca meşê daxwazan perwerdehiya bi zimanê kurdî bû.
Meşa ji bo ziman li ber avahiya DEM Partî ya Fatiha Stenbolê dest pê kir û heta Parka Saraçhaneyê dom kir. Pankarta “Statuya kurdî perwerdeya bi kurkî” hat vekirin.

Beşdaran dovîzên wekî “Bê ziman jiyan nabe”, “Aştî azadiya zimên e”, “Anadilde egitim hakkimizdir” (Bi zimanê zikmakî perwerdehî mafê me ye), “Bê ziwan aştî nêbena"”, “Zimanê kurdî rûmeta me ye”, “Naskirina kurdî pejirandina aştiyê ye”, “Em mala xwe bikin dibistana zimanê xwe” bilind kirin. 
Meclisa Ciwanan a DEM Partî jî pankarta “Dar li ser koka xwe mirov li ser zimanê xwe şîn dibe”, Jinên Ciwan ên DEM Partî jî bi pankarta “Bi pêşengiya jinê zimanê kurdî wê azad bibe” beşdarî meşê bûn.
Piştî meşê li parkê daxuyanî hat xwendin. Hevserokên Komleya Lêkolînên Kurdî Heno Ronak û Remziye Alparslan daxukanî bi kurmancî û kirmanckî xwendin.
Di daxuyayniyê de gotin 8'ê rezberê li Tirkiye û Kurdistanê serdema nû ya perwerdehiyê dest pê dike û wiha gotin, "Ev yek ji bo gelê kurd û gelên din ne perwerdehî, serdema asîmîlasyon, komkujiya çand û tunekirinê ye. Em êdî naxwazin li dibistanan nasnameya xwe winda bikin. Em bi zimanê zikmakî perwerdehiyê dixwazin. Bila hemû astengiyên li ber kurdî bêne rakirin û statuya kurdî bê qebûlkirin. Rêyeke din tune ye!"

Di daxuyaniyê de bang li partiyên kurdan jî kirin û wisa gotin, "Banga me ji bo partî û saziyên kurdan e jî: Ji bo kurdî têkoşînê bilind bikin. Li hemberî polîtîkaya asîmîlasyonê em mala xwe bikin dibistanên kurdî; em daxwaza kurdî û statuya kurdî bi dengek bilind bînin ziman. Astengkirina perwerdehiya bi kurdî astengiya mezin a li pêş aştiyê ye."