Diyarname
Heyeteke ast bilind a DYA'yê (Dewletên Yekbûyî yên Amerîkayê) ligel Fermandarê Giştî yê Hêzên Sûriyeya Demokratîk (HSD) Genaral Mezlûm Ebdî û Hevseroka Daîreya Têkiliyên Derve ya Rêveberiya Xweser a Rojavayê Kurdistanê Îlham Ehmed hevdîtin pêk anî.

Di nav heyetê de Senatora Amerîkî Jeanne Shaheena, ji Partiya Demokratan û Endama Komîteya Têkiliyên Derve ya Senatoyê, Endamê Meclisa Nûneran ê ji Partiya Komariyan Joe Wilson û Balyozê Tirkiyeyê yê Amerîkayê û Nûnerê Taybet ê Amerîkayê yê Sûriyeyê Tom Barrack amade bûn.
Heyet duh ligel Serokomarê Demkî yê Sûriyeyê Ehmed Şer hevdîtin kiribû, dûre li Emana Lubnanê ligel heyeta Rojava hevdîtin kir.
Li gor hesabên fermi yên Rêveberiya Xweser wan li ser Peymana 10'ê Adarê axivîne, li ser nexşerêya çareseriya li Sûriyeyê axivîne.

Senatora amerîkî Jeanne Shaheenê di civînê de piştgiriya xwe ya ji bo HSD'ê aniye ziman.

SHAHEEN: EMÊ XEBATÊ BIDOMÎNIN
Piştî hevdîtinê Shaheen wisa gotiye, "Sûriye piştî ji rejima Esad rizgar bû li ser lingên xwe bisekine ji bo Rojhilata Navîn wê bibe bingeh. Amerîka amade ye bibe şirîkê Sûriyeya li ser rêya rast dimeşe. Ji bo aştiya mayinde û aramiyê emê xebata xwe bidomînin."