19.15
Walîtiya Stenbolê ragihand ku vê êvarê bexçeyên dibistanan, salonên sporê û mizgeft dê deriyên wan vekirîbin. Yên bixwazin dikarin li van deran bimînin.

16,36
2 roj dibistan betal kirin
Wezîrê Karê Perwerdehiyê yê Tirkiyeyê Yusuf Tekin biryara nû ragihand: Li Stenbolê rojên pêncşem û în dê dibistan girtî bin.
Li aliyê din YOK'ê (Lijneya Bilind a Hîndekariyê) ragihand ku zanîngeh jî ji bo du rojan hatine betalkirin.

16.00
Piştî erdheja li Stenbolê ya 6,1'ê dûvikerdhej didomin. Heta vê kêliyê, yanê di 3 saetan de 51 erdhejên dûvik çêbûn.

15.05
Prof. Dr. Gorur: Ev ne erdheja mezin a ku li Marmarayê em li bendê ne ne.
Prof. Dr. Naci Gorur bi ser hesabê xwe yê X'ê re wisa nivîsî: "Li Stenbolê, li Behra Marmarayê, li ser xeta Kumburgazê gelek erdhej çêdibin. Bi meziniya cuda. Ev ne erdhejama mezin a ku li Marmarayê em li bendê ne ne. Ev stresa ku xeta erdhejê kom dike zêdetir dike. Yanê dike ku xet bişkê. Li vir erdheja li bendê dê mezintir û bi ser 7'ê re be. Erdhej mijarake girîng e ne dema erdhej çêdibe mirov biaxive. Gere dema erdhej nebe mirov biaxive û tevdîrê bigire. Di serî de hikumet, paşê şaredarî û gel dest bidin hev û ji bo erdhejê amadehî bikin. Venûkirina bajêr (Kentsle Donuşum) ne ew tiştek e mirov avahî jêbike û ji bo erdhejê amade be. Bajarê qewîm ê li hemberî erdhejê tiştek din e. Êdî divê gel tiştê divê bike. Tiştê bike çavdêrî û şopandin e."

15.00
Li Stenbolê agahiyên nû ev in: Li Stenbolê tenê avahiyek xira bûye. Li gor rayedaran heta niha tu agahiya mirinê negihîştiye ber destên wan. Tenê di dema revê de 3 kes birîndar bûne.
Xelk reviyan cihên vala, park tije bûn. Gelek kesî erebeyên xwe jî revandin.
Niha trafîk sedî dor 76 dixuye ku ev trafîkek mezin e.

14.05
Li gor Rasathaneya Kandilli 15 deqe berê bi meziniya 4.1 erdhej dîsa çêbûye. Erdhejên dûvik didomin.

Saet 14.00
Wezareta Ragihandinê got, Heta niha di balafirgeh,  tren û metro, di rêyên erebeyan de pirsgirêk çênebûye. 

Saet 13.54
Walîtîya Stenbolê got heta vê kêliyê kes li wan negeriya ye û negotiye xaniyê wan hilweşiya ye.

**

Saet dor 12'yê nîvro Stenbol hejiya. Li bajarên derdorê jî hat hîskirin. 

Navenda lêkolîna erdhejê Rasathaneya Kandili 2 erdhej qeyd kirin. Rasathaneyê got ya yekê bi 6.1, ya didiyan bi 5.2 çêbûye li dor Silivri  çêbûye. 

Saziya dewletê AFAD dibêje saet 13.02 li behra Buyukçekmeceya Stenbolê' bi meziniya 4.9 erdhej çêbûye...

AFAD dibêje xaniyên zarar dîtibin nekevinê...

Li her derê Stenbolê hat hîskirin. Xelk derket kuçeyan

Encamên zelal hê nîn in.