Diyarname
Fîlmekî li ser jiyana Yilmaz Guney tê kişandin. Hat eşkere kirin ku Mehmet Kurtuluş dê rola Yilmaz Guney bilîze.
Fîlm ji pirtûka Fatoş Guneş “Camlari Kirin Kuşlar Kurtulsun” hatiye girtin. Derhêneriya fîlmî wê derhêner Yuksel Aksu bike. Di fîlm de wê li ser çîroka jiyana Yilmaz Guney bisekinin.
Ji bo rola Fatoş Guney û Yilmaz Guney li lîstikvanan digeriyan, niha hat eşkere kirin ku dê lîstikvan Mehmet Kurtuluş rola Yilmaz Guney bigire ser milên xwe. Berê ligel lîstikvan Îsmaîl Haciosmanoglu li hev kiribûn, lê ji ber ku kişandina fîlm bi paş ve hat avêtin û wê demê rêzefîlmekî Haciosmanoglu heye, ew hat betalkirin. Niha Mehmet Kurtuluş hat hilbijartin.
Wê rola Fatoş Guney jî Deniz Barut bigire ser milên we.

Mehmet Kurtuluş kî ye?
Lîstikvan Mehmet Kurtuluş di sala 1972'yan de li Uşakê hatiye dinê. Hê zarok bû ligel malbata xwe çûye Almanyayê. Li wir xwendiye. 1989'an de li Fredenbergê dest bi karê şanoyê kiriye. 
Di fîlmên Fatih Akin "Geturkt" (1996), "Kurz und schmerzlos" (1998) û  "Im Juli" (2000) de lîstiye.
Li Almanyayê di gelek rêzefîlmên televîzyonê de lîstiye, li tirkiyeyê jî ku yek ji wan "Muhteşem Yuzyil: Kosem" e.
Li Festîvala Fîlman a Locarnoyê Xelata Lîstikvana Herî Serketî girtiye.

Mehmet Kurtuluş berê di fîlmên Fatih Akin de lîstiye.

Lîstikvan Denîz Barut wê rola Fatoş Guney bilîze.