___Zekî Ozmen___

Roja 23’ê reşemî li Almanyayê hilbijartinên giştî tên lidarxistin. Heta niha sê partiyên girîng ên vî welatî kurtebernameyên xwe yên hilbijartinê digel hinek zimanên din bi kurdî jî ji bo raya giştî belav kirine.
FDP (Partiya Demokrat a Azad) ku partiyeke lîberal e û heta jihevketina hikumeta niha di nava hikumeta koalisyonê de cih digirt, hem di medyaya civakî de û hem jî di malpera xwe ya fermî de bernameya xwe bi kurdî belav kir.
Di Grunen (Partiya Keskan) ku bi taybetî ji bo parastina jîngehê tê naskirin û şirekê hikumeta niha ye, kurtebernameya xwe bi kurdî jî weşand.
Her wiha Die Linke (Partiya Çep) jî ku di parlamena Almanyayê de cih digire, kurtebernameya xwe ya hilbijartinê bi kurdî weşand.
Ev yek nîşan dide ku civaka kurd li Almanyayê ku nêzîkî sê mîlyonan e, wekî beşeke girîng a civakê tê dîtin û partiyên alman dixwazin bi rêya zimanê kurdî xwe bigihînin wan û dengên wan bistînin. Partiyên din ên wekî CDU, SPD, BSW û AFD ku niha di parlamentoyê de tenê temsîlkirin û çav li rê ye rêjeyeke mezin a dengan bistînin, heta niha zimanê kurdî li propagandaya xwe ya hilbijartinê zêde nekirine û hîna ne diyar e ka ew jî dê di rojên pêş de cih bidin zimanê kurdî yan na.

Va ne ew kurtebernameyên bi kurdî:

- Kurtebernameya hilbijartinê a FDP bi kurdî: 
https://www.fdp.de/media/6944/download?inline

- Kurtebernameya hilbijartinê a die Grunen bi kurdî:
https://cms.gruene.de/uploads/assets/99x210_DieGruenen_BTW_Give-Aways_Flyer-8-seiter_kurmandschi.pdf

- Kurtebernameya hilbijartinê a Die Linke bi kurdî: 
https://www.die-linke.de/fileadmin/user_upload/Kurzwahlprogramm_Linke-BTW25_kurdisch_A4.pdf