Diyarname
Amedsporê îro Sakaryaspor kir mêvan. Di maça ku serdestiya Amedsporê hebû de, lê di encamê de wekhevî xira nebû: 2-2.
Di destpêka hefteya 22'yan de Amedspor xwedî 30  pûanan di rêza 12'yan de, Sakarya jî bi 26 pûanan di rêza 17'an de bû. Sakaryasporê teknîk dîrektorê xwe şandib û bi teknîk direktorê nû, bi Mustafa Balci yekem car derdiket sehayê û dixwest pûanan ji Amedê bibe. Her ku Amedspor bû li mala xwe zû bi zû têk nediçû.
Maçê wisa dest pê kir. Amedspor hatimê sehayê û maçê bû lê di deqîqeya 5'an de Sakaryaspor bi lez ber keleha Amedsporê ve çû û bi gola Ongjen Ozegovic 1-0 derket pêş. Di nîveka yekemîn de bi sedî 75-25 gog di destê Amedsporê de bû lê encam neguherî û nîveka yekemîn bi 1-0 bi dawî bû.
Di nîveka duyemîn de Amedspor hê zêdetir bi heyecan bû. Di deqîqeya 49'an de transferê nû yê Amedsporê Charly Keita li nav sehayê gog bi dest xist û bêyî bisekine bi lingê çepê füze avêt: 1-1.
Bi vê yekê baweriya Amedsporê hê zêdetir pê hat, serdestiya xwe xurtir kir û vê yekê golek din jî anî: Di deqîqeya 72'yan de Daniel Moreno Amedspor bi 2-1 derxist pêş.
Û deqe 90+6, di vê kêliyê de Amedspor bar bi paş ve vekişiya, bû sedem ku golek din bixwe: Ji defansê Skaryayê Salih Dursunê vala hatibû hiştin, wê bi şik lê da û encam anî 2-2'yan. 
Maç bi vî awayî bi dawî bû, her du tîm bi pûanek ji sehayê veqetiyan. Di dawiya hefteya 22'yan de cihê her du tîman jî neguherî. Bi vê yekê Amedsporê vê hefteyê jî tiştek li ya xwe zêde nekir û ji kîsê xwe xwar.
Notek ji bo transferên nû: Bi Keita ra Amedspor di warê forvetê de wê valahiya hebû dagire. Keita ku di nîveka duyemîn de ket sehayê heyecan bi xwe re anî. Assombalongayê ku heta niha li forveta Amedsporê hêvî nedida, lê Keita hêvî da. Adapteyê tîmê bibe Keita wê maçên baş derxe holê. Daniel Moreno di hefteya diduyan de golek avêt. Moreno jî wê fêdeya wî çêbe lê dem jêre divê.
MAÇA DIJWAR LI PÊŞ E
Hefteya pêşiya me Amedspor diçe Kocaeliyê. Kocaelispor bi 45 pûanan di rêza yekemin de ye.