Diyarname
Navê pirtûkê “Trêna li Stasyona Xwe Digere” ye. Pirtûk ji Weşanên Pallê derket. Di pirtûkê de 17 nivîskar bi nivîsên xwe hatine ba hev.
Pall Weşanê dest bi rêzeyek kiriye ku niha pirtûka wê ya yekem a rêzeyê derket ku li ser “Trênê” ye. 17 nivîskarî bi mijara trênê nivîs nivîsandine. Amadekarê pirtûkê edîtorê weşanxaneyê Înan Eroglu ye. Wî bi xwe jî bi nivîsek di pirtûkê de cih girtiye. Ji nivîskaran nivîsa Nûredîn Zaza ji aliyê Bilal Ata Aktaş ve ji fransizî hatiye wergerandin. Kesên din ên bi nivîsên xwe di pirtûkê de cih girtine ev in: Amed Çeko Jiyan, Beyan Ezîzî, Burhan Sonmez, Ciwan Nebî, Ciwanmerd Kulek, Diya Ciwan, Fatma Savci, Haydar Diljen, Hejarê Şamil, Konê Reş, Mueyed Teyib, Rohat Alakom, Selîm Temo, Serdar Şengul, Ûsivê Hemîd.
Bi vê pirtûkê xwestine nîşan bidin ka trên di nezera nivîskaran de miqabilî çi ye, wateyeke xwe ya çawa bo wan heye, tesîreke çawa li wan kiriye û ew wekî alavekê di têkiliyeke çawa de wê bi cih dikin, bi çi awirî li wê dinihêrin.
Va ye ên nivîsên xwe nivîsîne û sernavên nivîsen wan:
- Nûredîn ZAZA, Reva ji Trênekê li Sûriyê ji ber Dorpêça Hêzên Tirkan (Ji fransî: Bilal Ata Aktaş)
- Rohat ALAKOM, Çêkirina Xeta Trênê li Kurdistanê ji Aliyê Skandînaviyan ve (1927-1934)
- Serdar ŞENGUL, Rêwîtiyeke ber bi Welêt ve di nav Xetên Hesinî de
- Diya CIWAN, Gazindek ji Trênê
- Konê REŞ, Trêna Berlîn-Bexdayê li Beriya Mêrdînê
- Selîm TEMO, Xêzika li Stasyona Qeredaxê
- Haydar DILJEN, Trêni Xeyelandê Mi de Sey Fîgurê Estanekan Bî
- Fatma SAVCI, Trên ji bo Birinê Tê Ne ji bo Anînê
- Ûsivê HEMÎD, Trêna Kotolê
- Mueyed TEYIB, Bîrhatinek ji Seferên Jînê
- Ciwanmend KULEK, Rêwîtiyên Hesinî
- Beyan EZÎZÎ, Qetarî Werşo bo Krakov Be Zistanda Têper Debêt
- Amed ÇEKO JIYAN, Tiliya Pêçayî
- Burhan SONMEZ, Dengê Zemanî
- Hejarê ŞAMIL, Ez di Trênê de Hatime Dinyayê
- Ciwan NEBÎ, Trên li wir Rawestiyayî ye, Naçe Helebê
- Înan EROGLU, Trêna Bêdengiyê

- Trêna li stasyona xwe digere / Amadekar Înan Eroglu / Pall Weşan / 2024 / 184 rûpel

***

"3 Deqe ligel Cemil Oguz"

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.