Diyarname
Nûbiharê du pirtûkên nû belav kirin. Ji pirtûkên derketine yek jê roman e û ya din jî li ser folklora kurdî ye,
'KÎNOR'
"Kînor" romana nivîskar Dagistan Karakoç e. Ev pirtûka wî ya çaran e ku derdikeve. Karakoç di romanê de jiyana gundiyan, êş û elemên wan wekî neynikek nîşanî xwendevanan dide. Roman bi zimanekî herikbar hatiye sazkirin û têde gelek biwêj û gotinên pêşiyan jî hatine bikaranîn.
Di romanê de jinek lehenga romanê ye. Wê jinê bi serbilindî sînga xwe ji bo hemû êş û janên demê vekiriye û bûye şêrejineke bêhemta. Roman dikare wekî panoramaya dewrekê jî bê dîtin.
JI ZARGOTINA KURDÎ DEH MIJAR
Pirtûkan din bi navê "Ji zargotina kurdî deh mijar, Heft, Hesp, Teyr, Ruh, Av Û Agir" hatiye pêşkêşkirin. Pirtûk ji aliyê Şemoyê Memê ve hatiye amadekirin.
Hesp di destan, çîrok û mîtolojiya kurdî de çawa hatiye honandin; di edet û kevneşopiyên kurdî de çi temsil dike, dûr û dirêj behsa wê hatiye kirin. Nivîskar bi heman awayî qala teyr, rih, av û agir jî bi vî awayî hatine pêşkêş kirin. Li aliyê din hin lehengên efsanewî yên wekî Rostem, Siyaweş û Zembîlfiroş jî bûne mijara vê pirtûkê.
Di pirtûkê de bi têra xwe nimûneyên zargotinî û çandî hatine bikar anîn.
- Kînor / Dagistan Karakoç / Nûbihar / 184 rûpel / Roman / 2024
- Ji zargotina kurdî deh mijar / Şemoyê Memê / Nûbihar /310 rûpel / Folklor / 2024
***
.jpg)
.jpg)
.jpg)
