Diyarname
Şanoger Erdal Kaya piştî stand-upa xwe “Vik û Vala” vê carê bi stand-upeke din tê: "Zikopişto".
Şanoger Kaya piştî ku du salan stand-upa xwe "Vik û Vala" li gelek bajaran lîst, lîstika xwe ya nû, bi gotineke din stand-upa xwe ya nû ragihand hezkiriyên xwe. Stand-upa Erdal Kaya ya bi navê "Zikopişto" ji 120 deqîqeyî pêk tê. Wî, di v ê stand-upa nû de kîteyên ji jiyana rojanê, ji çand, huner û zimanê kurdî, ji rolên mirovan ên di nava civakê de, ji tiştên di nava civaka kurdan de diqewimin kirine mijar. Her wiha rola jinan û mêran a di civakê de, bikaranîna medyaya civakî û bandorên wê û mijarên bi vî rengî dê standapê de hebin û temaşevan wekî navê lîstikê pê "Zikopişto" bibin.
Stand-upa “Zikopişto” yekem car roja 9'ê meha pêşiya me wê bê lîstin, paşê dê here gelek bajarên din.
Li gor bernameya hatiye amadekirin lîstik di meha sermawezê de yekem car li Batmanê promiyera xwe dike û dûre berê xwe dide bajarên din. Di meha sermawezê de 8 caran dê li bajarên cuda derkeve pêşberî temaşevanan.
Bernameya "Zikopişto" ya Erdal Kaya ji bo meha pêşiya me bi vî rengî ye:
- 9'ê sermawezê, Batman
- 3, 12 û 26' 'ê sermawezê, Amed
- 15'ê sermawezê, Mûş
- 17'ê sermawezê, Bedlîs
- 21'ê sermawezê, Mêrdîn
- 23'ê sermawezê, Şirnex