Diyarname
Di serî de li Amed û bajarên din ên kurdan kurdên wekî 'karkerên demsalî' dixebitin bi rojaneyeke gelek hindik dixebitin. Karker rojê 12 saet di bin germa havînê de dixebitin lê îsal wekî heqdestê wan wekî 25 TL hat diyarkirin. Bi gotineke din 30 rojan bixebitin encax dê 750 dest bixin.

Karker di bin 45 derece germa havînê de 12 saetan dixebitin û encax dê rojê 25 TL bigirin. Li bajarekî mezin ev bi beramberî xwarinekê ye. Di heman demê de karker bê sîgorte û mafên civakî jî dixebitin. Digel vê neheqiyê jî Serokê Odeya Zerîetê yê Amedê Bahri Erdem dibêje ku par wan 22 TL digirt, îsal 3 TL zêde kirine pêre jî dewletê cihê lê bimînin ji wan re amade kiriye.
Lê berevajî Erdem, Serokê Komeleya Zerîetkaran ê Tirkiyeyê Îbrahîm Yetkîn ji bo Milliyetê axivî ye û wisa gotiye: "25 TL derveyî mafekî mirovahiyeyê ye, ev reqem ji asta standarda dinyayê jî, Tirkiyeyê jî gelek jêrtir e. Karker dê bi vî pereyî çi bikirin? Tenê pê pêdiviyên bigehîn bigirin dê biqede. Li holê kedxwarike gelek mezin hene. Ew bêxwedî ne."

Yetkîn gotiye ku ew ji Hatayê ye, 57 sal berê (dema 7 salî bû) tevî malbata xwe wekî karker çûye Çûkûrovayê li nav zeviyên pembûyî de xebitiye loma baş rewşa karkerên Amedê fêm dike û wisa dom kiriye: "Ji bo rewşa wan tu başbûneke çênebûye. Karkerên demsalî bênavber dixebitin. Li ser serê war qasidek (berpirsê karkeran) heye. Ew çi bibêje ew jî wisa dikin. Perwerdehî nîn e, rêxistinîbûn nîn e. Karkerên li wir 25 saet mehkûmê li nav zeviyê bimînin in. Li kêleka zeviyê konan çêdikin, nivînan radixin, bi têra xwe çay vedixwin. Bi rojhilat re radibin heta bi şev dixebitin. Piştî xewa 3-4 saetan dîsa dest bi kar dikin."
Li ser pirsa "Kengê bêhna xwe didin, çi dixwin, çi vedixwin" jî Yetkîn wisa gotiye. "Bêhnvedana çi?.. Tenê navrojê ji bo xwaninê navberê didin, paşê dîsa dixebitin. Wekî pergala koleyan ku hûn jî pê dizanin."