Qamişlo
Îsal 9'emîn car Mîhrîcana Çîroka Kurdî li Rojavayê Kurdistanê li Qamişloyê dest pê kir. Yekîtiya Nivîskarên Kurdên li Suryeyê, bi druşmeya “Çîrok Bîrdanka Gelan e" mîhrîcan da dest pê kirin û heta 12'yê mehê didome.
Mêhrîcanê 9'ê mehê li Parka Xwendinê ya li Qamişloyê dest pê kir. Komek rewşenbîr, nivîskar, hunermed û gelek kesên din di merasima destpêkirinê de amade bûn.
Endamê komîteya amadekariya mîhrîcanê Qadir Eqîd axaftina destpêkê kir û li ser dîroka çîroka kurdî sekinî. Egîd got, "Yekem car bi navê Fuat Temo di sala 1913’an de, di kovara Rojî Kurd de bi navê Çîrok, ser du xelekan hatiye weşandin. Bi minesebeta dîroka wêjeya kurdî, em her sal vê mîhrîcana kurteçîrokan li dar dixin."
Qadir Egîd qala çîrokên ku wê bikevin pêşbaziYê kir û destnîşan kir ku ji Qamişlo, Hesekê, Amûdê, Serêkaniyê, Efrîn, Kobanî, Amed, Farqîn, Nisêbînê, Îngilistan, Swêd û Hollanda 41 çîrok gihîştine ber destên wan û da zanîn ku komîtaya amadekariyê 35 çîrok qebûl kirine.
Egîd di dawiyê de da zanîn ku xwediyên çîrokên ku li Amûdê û Qamişlo ne wê çîrokên xwe zindî bixwînin, lê yên li cihê dûr û derveyî welat jî wê bi dîmen û dengên ku şandine bên xwendin.
Pişt re Hevseroka Desteya Çandê a Kantona Cizîrê ya Bakûr û Rojhilatê Suryeyê Firyal Çolî axivî. Firyal Çolî di axaftina xwe de diyar kir ku tevî hemû karên şoreşê, meşandina xebatên wêjeyî jî xwedan girîngiyê ne.
Bernameya mîhrîcanê bi koma mûzîkê, bi stranên gelerî dom kir.
Di mîhrîcana de wê wek du beş kurteçîrokên modern û yên klasîk 35 kurteçîrok bikevin pêşbirkê û di dawiya mîhrîcanê de wê li ser 3 asta xelat bê dayîn.

Endamê komîteya amadekariya mîhrîcanê Qadir Eqîd got ku wê 35 çîrok bêne xwendin.