Diyarname
Polîsan vê carê berê xwe da sendîkavanên kurd: Serokê KESK'ê Lami Ozgen jî di nav de 65 kes hatin binçavkirin.

Vê carê di bin navê "KCK"ê de polîsan berê xwe da endamên sendîkayan ku piraniya ew kesên niha hatine binçavkirin kurd in. Di operasyona ku îro li dar ket de Serokê Giştî yê KESK'ê (Konfederasyona Sendîkaya Kedkarên Raya Giştî) Lamî Ozgen, Sekreterê Giştî yê Tum-Belsenê Îzettîn Alpergîn, Serokê Tum-belsena Şaxa 2'yan Devrim Kahraman, rêveberên heman şaxê Yilmaz Dildirim, Faruk Çelik, Xebatkarê Koma BDP'ê Cebrail Aslan, Sekreterê Giştî yê Egîtim-Senê Mehmet Bozgeyîk, Serokê Egîtîm-Sena Amedê Kasim Birtek jî di nav de gelek 65 endamên sendîkayê hatin binçavkirin.

Bi bihîstina operasyonê de Wekîlê Koma MEclisê yê BDP'ê Hasip Kaplan, Mebûsê BDP'ê yê Mûşê Demir Çelik, Cîgirê Serokê Giştî yê CHP'ê Sezgin Tanrikulu, Serokê Giştî yê ÎHD'ê Ozturk Turkdogan, nûnerên TMMOB û DÎSK'ê hatin ber avahiya Navenda Giştî ya KESK'ê.

BDP: Ev hewldana derbeyekê ye

Hevserokên BDP'ê Sehalattin Demirtaş û Gultan Kişanak daxuyaniyeke nivîskî weşand, binçavkirina sendîkavanan şermezar kir û got: "Bi serdegirtina sendîkaya KESK'ê ku bi serhezaran kedkarên wê hene û binçavkirina serokê wê bi awayekî eşkere hewldana derbeyekê ye."

'Ji ber kurdbûnê hatin girtin'

Sekreterê Giştî yê KESK'ê Îsmaîl Hakki Tombul jî li ser binçavkirinan wisa got: "Taybetiya hevpar a kesên hatine binçavkirin kurdbûna wan e."