Diyarname
Di 31'yekemîn Festîvala Fîlman a Stenbolê de digel nîşandayîna fîlman dersên sînemayê jî hene.
Di van dersan de gelek sînemagerên navdar dêderkevin  pêşberî temaşevanan û zanîna xwe ya li ser sînemayê bi wan re par ve bike.
Di nav kesên ku dê dersê bidin de ji derhêner Terence Davies, Nuri Bilge Ceylan, Marjane Satrapi, Corneliu Porumboiu heta Murathan Mungan û Sevin Okyay gelek kesên di qada sînemayê de xebatê dikin dê beşdarî çalakiyên sînemayê bibin û dersê bidin. Her wiha "Di sînemaya yewnan de çi diqewime?", "Di sînemayê de Piling - Wuxuia", "Di sînemayê de bikaranîna muzîka hemdem", "Fîlmê şoreşê", "Erdheja wanê - Di nav wênariyê de" hin sernavên ku dê li ser wan bê axaftin in.

Vane bernameya dersên sînemayê:

- TERENCE DAVIES - Kêfa nediyariyê û talûke
Dîrok: 31 Adar 2012, Şemî, 16:00,
Cih: ÎKSV

- MARJANE SATRAPI: Ez çawa bûm sînemager?
Marjane Satrapi ku çîrokbêjek e bi fîlmê Persepolis ê otobiyagrafik li dinyayê navdar bû. Ewê li ser fîlm, vegotina çîrokan û kariyera xwe ya sînemayê biaxive.
2 avrêl, duşem, saet 16.00
Cih: ÎKSV

- Di sînemaya yewnan de çi diqewime?
Derhênerê fîlmên "Alp" (di festîvalê de tê nîşandayîn) û "Diranê Kûçikan" derhêner Yorgos Lanthimos û senarîst Efthymis Filippou dê ji salên 1970'ê û ji salên 80'ê 'sînemaya nû ya yewnan' bigirin dest û ji aliyê tradisyon, şêwe û naverokê ve qala sînemaya yewnan bikin.
8 avrêl, yekşem, saet 13.30
Salon İKSV

- Murathan Mungan û Sevin Okyay
Nivîskar, helbestvan, nivîskarê lîstikan û senarîst Murathan Mungan û wergêr, rexnegira sînemayê Sevin Okyay di dersê de têne ba hev û li ser sînemayê sohbetê dikin.
8 avrêl, yekşem, saet 16.00
Salon İKSV

- CORNELIU PORUMBOIU
Yek ji derhênerên "Pêla Nû" derhêner Corneliu Porumboiu di sala 2006'an de bi fîlmê "Başûrê Bukraşê" beşdarî Fîlmekîmî bûbû ku bi heman fîlmî li Cannesê Xelata Kameraya Zêrîn girtibû. Derhêner dê li ser sînemayê dersê bire.
9 avrêl, duşem, saet 16.00
Navenda Fîlman a Mithat Alam, Zanîngeha Bogaziçi

- Di sînemayê de Piling - Wuxia
Di festîvalê de li ser fîlmên Wuxia ku ev fîlm li ser macera, dîroka Çînê, lehengî û şer in beşeke hatiye veqetandin. Di vê dersa sînemayê de jî dê ev mijar bê nîqaşkirin.
Lêkolîner Wang Qun dê li ser mijarê dersê bide.
9 avrêl, duşem, saet  16.00
Akbank Sanat

- Sohbeta bi  Brillante Ma. Mendoza re
Brillante Ma. Mendoza ku îsal di nav Juriya Festîvalê de cih digire di vê dersa xwe ya sînmeyaê de dê qala lêkolîna çîrokên xwe, ew çîrok çawa di fîlman de têne bi cih kirin, hilbijartina lîstikvanan heta hilbijartina mekanê bike.
9 avrêl, duşem, saet 18.00
Akbank Sanat

- Atolye: Di sînemayê de bikaranîna muzîka hemdem
Nathan Larson ku ji bo gelek fîlman muzîk çêkiriye û  Erdem Helvacioglu di atolyeyê de wê li ser muzîkê bisekinin.
11 avrêl, çarşem, saet 12.00
Salon İKSV

- Dersdayîna Nuri Bilge Ceylan
Nuri Bilge Ceylan ku bi fîlmên xwe hem li Tirkiyeyê hem jî li dinyayê bûye xwedî ciheke taybet dê li ser sînemayê dersê bide û qala fîlmên xwe jî bike.
12 avrêl, pêncşem, 16.00
Salon İKSV

- Erdheja wanê - Di nav wênariyê de
Derhêner Bulent Ozturk li ser erdheja Wanê belgefîlmekî bi navê "Beklemek" kişand. Di vê xebatê de digel Ozturk, Zozan Ozgokçe (VAKAD), Şennaz Uzun (Zarokxaneya Wanê),
Feryal Oney (Kardeş Turkuler) dê li ser Wanê biaxivin. Moderatoriya vê beşê  derhêner û endama Lijneya Şêwirmendî ya Belgefîlman a Festîvalê Elif Ergezen bike. Her wiha berî gotûbêjê dê kurtefîlmên ku zarokên Wanê kişandine bêne nîşandayîn.
12 avrêl, pêncşem, 16.00
Salona Muzeya Perayê