Diyarname
Ev demeke dirêj e ansîklopediya Britannica li dinyayê tê bikaranîn lê êdî dê ew neyê çapkirin. Di vê serdema ku gelek berhemên çapkirî êdî derbasî qada dîjîtal û înternetê dibin de versîyona çapkirî ya Britannicayê jî temenê xwe temam kir.

Ansîklopediaya çanda giştî Britanica yekemîn car di sala 1768'an de li paytexa Skoçyayê li Edinburgê hate çapkirin. Ansîkpolepî ku niha çapa wê xilas bû, biryar hate girtin ku dê êdî neyê çapkirin.

Şîrketa Britanica ku navenda wê li Chicagoya DYA'yê ye biryar da ku dê careke din Britanicayê çap neke lê versiyona wê ya dîjîtal dê amade bike û ansîklopedî dê bi vî rengî weşana xwe bidomîne.

Jorge Cauz (Midûrê Şîrketa ku Ansîklopediya Britannicayê çap dike) got ku ev demeke em difikirin ku ansîklopediayê çap nekin lê ev yek ne bi Wîkîpedia, ne jî bi motora lêgerînê ya Google ve eleqedar e; Versiyona dîjîtal a Britannicayê gihîştiye ber destê gelek kesî.

Britannica ji 32 cildan pêk tê. Ansîlopedî herî zêde di sala 1990'î de hate firotin. Wê çaxê hejmara firotina wê gihîşt 120 hezar î, ev hejmar di sala 1996'an de daket 40 hezarî û her ku çû ev tîraja wê daket.

Ji sala 1994'an ve di qada dîjîtal de versîyona dîjîtal a Britannicayê peyda dibe.