Diyarname
Maçên Hevtêkbirina ji bo Şampiyoniya Fûtbolê ya Ewropayê didomin. Di maça Tirkiye û Xirvatistanê ku li Bursaya Tirkiyeyê li dar ket de xirvatan 2 gol avêtin Tirkiyeyê. Xirvatan bi vê 3 pûanên xwe girtin û vegeriyan.
Vê hefteyê li temamê Ewropayê maçên Hevtêkbirina ji bo Şampiyoniya Fûtbolê ya Ewropayê hebûn. Maçên yekemîn 3 roj berê hatin lîstin û niha jî maçên duyemîn. Tirkiye di Koma D de ye. Di maça yekemîn de Tirkiyeyê li Ermenistanê bi 2-1 bi ser ketibû, û di maça duyemîn de vê êvarê Xirvatistan kir mêvan.
Berî maçê teknîk dîrektoran daxuyanî dabûn çapemeniyê. Teknîk Dîrektorê Xirvatistanê Zlatko Dalic wisa got, "Em wek^iwelat 3 mîlyon û nîv in. Tirkiye 80 mîlyon e. Bursa bajarekî 3 mîlyon nifûs e. Lê em sêyemînê dinyayê ne. Gere hûn vê yekê ji xwe bipirsim." Hirvatistan di tûrnûvaya Kûpaya Dinyayê de bûbû 3'yemîn, qala vê dike.
Bi vî awayî maçê dest pê kir.
Xirvatistan bêyî xwe aciz bike, di nîveka yekemîn de du cara êrîşê keleha Tirkiyeyê kir û bi 2-0 nîveka yekemîn temam kir. Di deqîqeya 20 û 45+4 de lîstikvanê Chelsea Mateo Kovacic du gol avêtin û sê pûan xistin bêrîkê.
Bi vê encamê di Koma D de Xirvatistan bi 4 pûanan yekemîn, Galler bi heman pûanan duyemîn, Tirkiye bi 3 pûanan 3'yemîn û Ermenistan û Letonya jî bê pûanan in. Maçên din dê 16 û 19'ê pûşpera 2023'yan bêne lîstin.
Maçên Ewropayê çawa têne lîstin?
Tûrnûvaya Euro 2024 dê li Almanyayê bêne lîstin. 10 kom hene. Di komên A, B, C, D, E, F, G de 5 tîm, di komên H, I, J, her yekê de 6 tîm hene. Di komên xwe de her du tîmên bibin yekemîn û duyemîn, yanê 20 tîm raste rast diçin Euro 2024. Ji tîmên din 16 tîmên di Lîga Neteweyan a UEFA'yê de xwedî pûanên herî baş dê bi hev re play-offê bilîzin û di encamê de 4 tîmên din dê derkevin.
Maçên hevtêkbirinê yên dawî dê roja 21.11.2023'yan bêne lîstin, dûre maçên play-offê.
Euro 2024'an di navbera rojên 14'ê pûşpera 2024'an - 14'ê tîrmeha 2024'an li Almanyayê li dar bikeve.