Diyarname

95'emîn Xelatên Oscarê bi merasimek hatin belavkirin. Fîlmê "Everything Everywhere All At Once" (Her tişt li her derê wekî xwe ye) wekî Fîlmê Herî Serketî hat hilbijartin. Xelata Lîstikvanê Herî Serketî dan Brendan Fraser û Xelata Lîstikvana Herî Serketî jî dan Michelle Yeoh.

Ji bo belavkirina xelatên herî navdar ên qada sînemayê Oscarê li Şanogeha Dolby ya li Los Angelesa DYA'yê merasim hat li dar xistin. Komedyen Jimmy Kimmel pêşkêşvaniya şevê kir.

Îsal merasima ser Xaliya Sor nehat çêkirin. Di şevê de stranbêj Rihanna û Lady Gaga derketin ser dikê û stran gotin. Lady Gaga bi kincên ku hatibû merasimê derneket ser dikê, ew kinc derxistin, kot pantolonek û tîşortek li xwe kir û bê makyaj derket ser dikê.

Lîstikvan Will Smith ku par sîle li pêşkêşvan Chris Rock dabû beşdarî merasimê nebû ji ber ku ji ber vê kirina wî 10 salan qedexeya beşdariya merasimê bo wî anîne.

Di şevê de fîlmê derhêner Daniel Kwan û Daniel Scheinert ê bi navê "Everything Everywhere All At Once" di 11 waran de wekî berendam hatibû nîşandayîn, bi 7 xelatan mohra xwe li şevê da. Her du derhênerên fîlmî Xelata Derhênerê Herî Serketî jî girtin. Lîstikvan Michelle Yeoh ku Xelat Lîstikvana Herî Serketî girt wekî yekem jinek bi eslê xwe ji Asyayê ev xelat girt. 

Fîlmê derhênerê alman Edward "All Quite On The Western Front" bi xelata Fîlmê Navneteweyî yê Herî Serketî vegeriya welatê xwe. Belgefîlmê derhêner Daniel Roher ê bi navê "Navalny" xelata Belgefîlmê Herî Serketî girt. Derhêner Roher li ser rêberê muxalefeta rus Alexei Navalny ku hatibû jehrîkirina ev belgefîlm saz kiribû. 

Va ne xelatên hatin belavkirin:

- Fîlmê Herî Serketî: "Everything Everywhere All At Once"

- Derhênerê Herî Serketî: Daniel Kwan ve Daniel Scheinert / "Everything Everywhere All At Once"

- Lîstikvana Herî Serketî: Michelle Yeoh ("Everything Everywhere All At Once")

- Lîstikvanê Herî Serketî: Brendan Fraser ("The Whale")

- Lîstikvana Duyemîn a Herî Serketî: Jamie Lee Curtis / "Everything Everywhere All At Once"

- Lîstikvanê Duyemîn ê Herî Serketî: Ke Huy Quan / "Everything Everywhere All At Once"

- Fîlmê Navneteweyî yê Herî Serketî: "All Quite On The Western Front" (Almanya)

- Senaryoya Orjînal a Herî Serketî: "Everything Everywhere All At Once"

- Senaryoya Lêanînê ya Herî Serketî: "Women Talking"

- Belgefîlmê Herî Serketî: "Navalny"

- KurtebelgefîlMê Herî Serketî: "The Elephant Whisperers"

- Anîmasyonê Herî Serketî: "Pinocchio"

- Sînematografiya Herî Serketî: James Friend, "All Quite On The Western Front"

- Efektra Dîtbarî ya Herî Serketî: "Avatar: The Way of Water"

- Vesazkirina Fîlma ya Herî Serketî: "Everything Everywhere All At Once"

- Muzîka Fîlm a Herî Serketî: "All Quite On The Western Front"

- Strana Taybet a Herî Serketî: RRR, "Naatu Naatu"

- Vesazkirina Deng a Herî Serketî: "Top Gun: Maverick"

- Dîzaynkirina Fîlma ya Herî Serketî: "All Quite On The Western Front""

- KurtefîlMê Herî Serketî: "An Irish Goodbye"

- Kurteanîmasyonê Herî Serketî: "The Boy, The Mole, The Fox and The Horse"

- Dîzayna Kincan a Herî Serketî: "Black Panda: Wakanda Forever"

- Dîzayna Makyaj û Por a Herî Serketî: "The Whale"

Lîstikvan Michelle Yeoh ku Xelat Lîstikvana Herî Serketî girt wekî yekem jinek bi eslê xwe ji Asyayê ev xelat girt. 

Lîstikvan Brendan Fraser di sala 1991'ê de dest bi sînemayê kiriye. Heta niha gelek xelat girtine lê yekemîn xelata wî ya Oscarê ye. 

***

Nûçeyê Eleqedar:

- 20 serê peyînî de 20 Oscarê serkewtey 

- Berendamên Oscarê diyar bûn 

- Lîsteya Kurt a Berendamên Oscarê hat eşkere kirin 

 - Youtube: www.youtube.com/diyarnamediyarname 

- Malper: www.diyarname.com
- Twitter: twitter.com/diyarname1
- Facebook: facebook.com/diyarname
- Mail: diyarname@diyarname.com