Diyarname

Ji Nûbiharê du pirtûkên helbestan ên ji hev cuda derketin. Yek jê ya Mela Ehmed Yalar "Dîwana Işqê" û ya din jî a Bamed Serdan "Weke Şebnemekê" ye.
'Dîwana Işqê'

Mela Ehmed Yalar di sala 1945'an de li gundê Mermera Amedê hatiye dinê. Meletî kiriye, li Zanîngeha Dîcle Beşa Edebiyata Tirkî xilas kiriye. Ew ji karê meletî malnişîn bûye. 

Yalar ji ciwaniya xwe ve helbest nivîsandine û ew niha bûne pirtûk. Li ser vê dibêje, "Weke evîndarekî, evîndarê dîn, evîndarê gel, evîndarê rasteqîn. Ji deh-duwazdeh saliya xwe ve dema min dest bi honandina şi'îrê kir, geh ji ber wan serpêhatiyên işq û evîndariyê ku di xortaniya min de hatin serê min û geh jî ji karîgeriya wan şaîrên ku navê wan derbaz bûn ez yek ser noqî nav mijarên işq, evîn û evîndariyê bûn."

Nurettin Ertekîn ku ji bo pirtûkê pêşek nivîsandine wisa gotiye, "Em helbestên şairekî ku yek ji nûnerên dawî yê edebiyata kurdî ya klasîk e pêşkêşî xwendevanên xwe dikin."

Pirtûk hem bi tîpên erebî, hem bi yên latînî hatiye çapkirin. Beşa tîpên latînî 128 rûpel e.

'Weke Şebnekekê'

Pirtûka din a helbestê ku bi navê "Weke Şebnemekê" derketiye, Bamed Serdar nivîsandiye. Bamed Serdar di sala 1977'an de bi gundê Bamidê ya Nisêbînê hatiye dinê. Heta niha bi navê "Siwarê Hespê Boz" (Helbest, 2014) û "Dîwana Şêx Şemsedînê Exlatî" (Metin û vekolîn, 2015) du pirtûkên wî derketine

Ew, di helbestên xwe de mîna rastiyeke dîrok di asteke semantîk de weke zanista ziman ya ku li ser bêjeyan disekine, bi mijarên evînî, civakî, xwezayî xwe dispêre rastiya jiyanê. Têgihîştina hebûna nêrînên cuda û li ser firehkirina sînorên peyvan radiweste.

- Dîwana Işqê / Mela Ehmed Yalar / Nûbihar / Helbest / 128 rûpel / 2022 / 

- Weke Şebnemekê / Bamed Serdar /  Nûbihar / Helbest /55 rûpel / 2022