Enqere
Mebûsê BDP'ê yê Amedê Altan Tan pirsek ji Serokwezîrê Tirkiyeyê Recep Tayyip Erdogan kir. Tan pirsa, "Tu difikirî ku hema li mizgeftekê li waezên bi kurdî yan xutbeya bi kurdî guhdarî bikî?" kir.

Tan li meclisê civîneke çapemeniyê li dar xist, pirsa bi nivîskî ya ji Serokwezîr kiriye bibîr xist. Tan got ku Serokwezîr Erdogan di 27'ê rêbendana 2012'an de li Mizgefta Kiliç Ali Paşa a li Stenbolê, di Nimêja Înê de li xutbexwendina bi îngilîz ya Mele Selman Okumuş guhdarî kiriye û ji ber vê yekê ev pirs bi nivîskî ji Erdogan kiriye: "Bi vî awayî diyar bû ku li mizgeftên Tirkiyeyê bi îngilîzî xutbe dikare bê xwendin. Li Tirkiyeyê ku bi mîlyonan hemwelatiyên me yên kurd hene, gelo li hemberî xwendina xutbeta bi kurdî, yan weazdayîna bi kurdû astengiyeke fermî heye? Tu wekî Serokwezîrekî Komara Tirkiyeyê tu difikirî ku li mizgeftekê li weazên bi kurdî yan xutbeya bi kurdî guhdarî bikî?"