Diyarname

Komeleya Nar Sanatê bi diruşma *Ji bo jinên porê wan bi serhildêrî direqisin” bernameya fîlmên xwe yên vê hefteyê diyarî jinên li Îranê ber xwe didin kir.

Komeleyê bi ser hesabê xwe yê tora civakî re gotiye, “Em jinên îranî ku bi rojan e têne kuştin, îşkenceyê dibînin, rastî şîdetê tên û ligel hemû zordarî jî berxwedana xwe didomînin silav dikin.”

Di nav bernameyê de 4 fîlm hene. Fîlmê yekemîn ê Cafer Penahî yê bi navê “Xelek” (2000) e. Fîlm 7’ê mehê hat nîşandayîn. Paşê 14’ê mehê fîlmê derhêner Marjane Satrapi ê bi navê “Persepolis” (2007) dê bê nîşandayîn. Fîlmê “Dema ez bûm jin” (2004) ê Merziye Meşkînî roja 21’ê mehê û fîlmê Semîra Mexmelbaf “Sêv” (1998) jî dê roja 28’ê mehê bê nîşandayîn. Fîlm saet 19.30 de li komeleyê bê pere têne nîşandayîn.

Komeleya Nar Sanatê li Taxa Akyol, Kuçeya Beyaz Mehmet no 12, li Entabê ye.