Diyarname

ÎKSV ji bo 50 saliya xwe îsal dê gelek çalakiyan li dar bixe û gelek konserên wan jî ji bo vê salvegerê dê bê pere bêne bin.

JI 1972'YAN VE 

İstanbul Kultur Sanat Vakfi (ÎKSV - Weqfa Çand Hunerê ya Stenbolê) di sala 1972’yan de ji aliyê Dr. Nejat Eczacibaşi ve hate avakirin. Weqif îsal dikeve 50 saliya xwe. Ji wê rojê de di warê çand û hunerê de xebatan dike. Heta niha bi hezaran çalakî li dar xistine. ÎKSV niha gelek festîval û xebatan li dar dixe. Weqif bi festîvalên xwe navdar e. Festîvala Muzîkê îsal 49 sal ih, Festîvala Fîlman 41 sal in, Festîvala Şanoyê 25 sal in li dar dikeve. Dîsa Festîvala Cazê 28 sal in li dar dikeve.
ÎKSV dîsa payîzan bi navê Fîlmekîmî Festîvala Fîlman a Payîzê jî çêdike ku ev bû 17 sal. Her wiha Bîenal, hunerên bedew xebatên din ên weqfê ne. Di salona wan “Salon ÎKSV” a li avahiya wan jî çalakiyên hunerî têne pêşkêş kirin.

Weqif ji bo 50 saliya xwe îsal gelek bername dane pêşiya xwe û ji van gelek bername jî ji bo 50 saliya xwe bê pere dê pêşkeş bike.

12 MÎLYON TEMAŞEVAN

Saziya heta niha di gelek waran de gelek çalakî li dar xistine û heta niha dor 12 mîlyon temaşevan çûne van çalakiyan. Îsal jî bi heman awayî dê van çalakiyan li dar bixe.

Ji bo 50 salî 5’ê pûşperê, êvara yekşemê dê li parkên cur bi cur ên Stenbolê bê pere konseran pêşkêş bike. Ev konser bi şirîkatiya Şaredariya Bajarê Mezin a Stenbolê dê li da bikevin.

Her wiha di navbera meha pûşper û tîrmehê de ji Beylîkduzu heta Yildiz Parki, ji Kuçukçekmece heta Muze Gazhaneyê, van deran dê konserên klasîk muzîk û cazê li dar bixin û temaşevan bê pere dê bikaribe li van temaşe bike.

LI TEMAMÊ STENBOLÊ ÇALAKÎ TÊN

Li aliyê din ÎKSV bi nîşandayîna fîlman, konser, pêşangeh, xebatên atolyeyan, gotûbêjan û çalakiyên cur bi cur dê 50 saliya xwe pîroz bike.

“Salon ÎKSV” ku ev du sal bûn ji ber pandemiyê girtibû dê di meha adarê de vebe û her wiha ji bo îsal bi navê “Gezgîn Salon” (Salona Gerok) du rojan li Parkormanê dê çalakî hebin.

Baleya Zurihê bi lîstika xwe “Anna Karenina” (bi hevkariya Zorlu PSM) û hunermendên navdar Nick Cave & The Bad Seeds jî dê di nav mêvanên 50 saliya ÎKSV’ê de bin.

15 MÎLYON TL PIŞTGIRÎ

ÎKSV’ê bi daxuyaniyeke ragihandiye ku bi rêya piştgirî, teşwîq û xelatan îsal dê nêzî 15 mîlyon TL’yî piştgirî bidin xebatên çand û hunerê.

Li aliyê din Weqfê ragihandiye ku bi piştgiriya Koma Eczacibaşi ku îsal 80 saliya xwe pîroz dike, dê hemû bilêtên çalakiyên weqfê yên îsal ji bo xwendekaran bi 10 TL’yî bêne firotin.