Diyarname

Ji bo reklamê 35 mîlyon dolar pêşniyarê lîstikvanê Hollywoodê George Clooney kir lê wî ev yek red kir. Wî nav negot lê di tora civakî de hat îdîakirin ku Rêyên Hewayê ya Tirk (THY) ev pêşniyar lê kiriye û wî red kiriye.

Di demek nêz de ew dê di fîlmê "The Tender Bar" de bilîze. Ji bo nasandina vê yekê George Clooney ji bo rojnameya The Guardianê axivî. Li ser pirsa "Tu difikirî ku bi têra xwe pereyên te hene?" wî ev bersiv daye: "Pêşî bêjim erê, bi têra xwe pereyên imn hene. Carek kompaniyeke rêyên hewayî ji bo di reklama wan de bilîzim ku rojek min dê bigirta 35 mîlyon dolar teklîf kirin. Ez hatim min ligel jina xwe Amal xeber da. Şîrket girêdayî welatek ku hin karên şikbar dikir bû, em her du fikirîn ku ne hewceye em ji bo vî pereyî bixebitin û me pêşniyar red kir." Di tora civakî de ev gotina wî gelek belav bûn û li Tirkiyeyê gelek kesên di tora civakî de îdîa kir ku THY'ê ev pêşniyarê wî kiriye lê wî red kiriye.

Li aliyê din Clooney yê 60 salî gotiye ku ger karê ku bikim deqeyeke ji xewa min bigire ez wî karî nakim, ez deqeyeke jî xewa xwe fedayê pereyan nakim.