Diyarname
Di maçên play-offê de Boluspor û Eskîşehîrspor bi ser ketin, Diyarbekir û Sakarya têk çûn.
Îro du maçên play-offê yên Lîga yekem a Bank Asyayê hatin lîstin. Di maça di navbera Sakaryaspor û Boluspor ku li Stada Ali Samiyen hate lîstin de 90 deqîqe bi 2-2 bi dawî bû û dest bi dema dirêj kirin. Di 30 deqîqeyên dema dirêj de jî encam neguherî û derbasî penaltiyan bûn. Di penaltiyan de Boluspor 3-1 bi ser ket û di encamê de bi skora 5-3'yan bi ser ket û bû fînalîstê yekemîn.
Di maça duyem de jî li Stada Înonu Eskîşehîrspor û Diyarbakirspor hatin hemberî hev. 90 deqîqeyên maçê bi 0-0, 30 deqîpeyên dirêj ên maçê jî bi heman skorê bi dawî bû. Dûre derbasî bikaranîna penaltiyan kirin. Di penaltiyan de Eskîşehîrê bi 6-5 Diyarbekir têk bir û bû fînalîstê duyem.
Her du fînalîst Boluspor û Eskîşehîrspor dê roja yekşemê bi hev re bilîzin. Di encamê de kîjan tîm bi ser bikeve dê derbasî Lîga Super a Tirkiyeyê bibe.