DiyarName.Com

Ne yek, ne du, ne sê, çar caran 'Mad Men'!

Di 63'yemîn Xelatên Emmy de jî "Mad Men" wekî "Rêzefîlmê Herî Serketî" hat hilbijartin û çaremîn car ev xelat bi dest xi

Diyarname
Di 63'yemîn Xelatên Emmy de jî "Mad Men" wekî "Rêzefîlmê Herî Serketî" hat hilbijartin û çaremîn car ev xelat bi dest xist.

Ji bo dayîna 63'yemîn Xelatên Emmy li Los Angelesê merasimeke hat li dar xistin. Xelatên Emmy ku wekî Oscarên Televîzyonan têne hesibandin di warê Dramayê de rêzefîlmê bi navê "Mad Men" cara çaran ev xelat bi dest xist. Lîstikvan Julianna Margulies bi rola xwe ya di "The Good Wife" de Xelata Lîstikvana Herî Serketî, Kyle Chandler jî di rola xwe ya di "Friday Night Lights" de Xelata Lîstikvanê Herî Serketî girt.

Di warê Komedî de Modern Family mohra xwe li şevê da. "Modern Family" digel xelata Rêzefîlmê Herî Serketî, di warê Lîstikvana Dumeyîn a Herî Serketî, Lîstikvanê Duyemîn ê Herî Serketî, Derhênerê Herî Serketî û Senaryoya Herî Serketî de jî xelat girt.

Di warê Komedî de lîstikvan Melissa McCarthy bi rola xwe ya di "Mike & Molly" de xelata Lîstikvana Herî Serketî, Jim Parsons jî bi rola di "The Big Bang Theory" de xelata Lîstikvanê Herî Serketî girt.

Vaye beş û xelatên ku hatin belavkirin:

DRAMA
Rêzefîlmê Herî Serketî: Mad Men

Lîstikvana Herî Serketî: Julianna Margulies, "The Good Wife"

Lîstikvanê Herî Serketî: Kyle Chandler, "Friday Night Lights"

Lîstikvanê Duyemîn ê Herî Serketî: Peter Dinklage - "Game of Thrones"

Lîstikvana Duyemîn a Herî Serketî: Margo Martindale - "Justified"

Derhênerê Herî Serketî: Martin Scorsese - Boardwalk Empire

Senaryoya Herî Serketî: Jason Katims - Friday Night Lights

KOMEDÎ
Rêzefîlmê Herî Serketî: Modern Family

Lîstikvana Herî Serketî: Melissa McCarthy, "Mike & Molly"

Lîstikvanê Herî Serketî: Jim Parsons, "The Big Bang Theory"

Lîstikvanê Duyemîn ê Herî Serketî: Ty Burrell - "Modern Family"

Lîstikvana Duyemîn a Herî Serketî: Julie Bowen - "Modern Family"