Diyarname

Di nav pirtûkxaneyên kurdî de hin pirtûk hene cihên wan taybet e, muhîm e. Yek ji wan jî pirtûka Mestûre Kurdistanî "Dîroka Erdelanê" ye. Pirtûk niha ji aliyê Weşanên Sîtavê ve jî hat çapkirin û belavkirin.

Pirtûka li ber dest ji du aliyan ve muhîm e: Aliyek wê ew e ku li ser Erdelanê berhema herî muhîm e li ber destan e; dîroka wan, dîroka wê serdemê ronî dike, aliyê din ê muhîm jî ew e ku jinek lêkolîn kiriye û nivîsiye.

Mah Şeref Xanim (Mestûre) di sala 1804'an li navenda malbata Qadiriyên Sinê, li bajarê Sinê ku navenda Erdelanê bû hatiye dinê. Mestûre ligel Waliyê Sinê Xusro Xanê Nakam zewiciye û ji ber ku Xusro Xan jî ji helbestê hez kiriye, her duyan bi hev re helbet nivîsine, xwendine. Mestûre Erdelanî di sala 1848'an de hê di 44 saliya xwe de dimire û vê berhemê li dû xwe dihêle.

Pirtûka li ber dest ku ji Weşanên Sîtavê derketiye Nasir Azadpor pêşgotin nivîsiye, sererastkirin kiriye û têbinî daniye. Û Sabîr Ebdulahîzad jî ew wergerandiye kurmancî.

Pirtûk ji "Nîjada Babe Erdelanî", "Desthilatdariya Babe Erdelanî",  heta "Xusro Xanê Kurê Silêman Şanî", heta "Desthilatdariya Subhanwêrdî Xanî" heta "Xusro Xanê Duyem", "Emanulah Xan" û kesayetiyên din ên wê demê gelek agahiyan pêşkêşî xwendevanan dike.

- Dîroka Erdelanê / Mestûre Kurdistanî / Wergera bo kurdî Sabîr Ebdulahîzad / Weşanên Sîtav / 185 rûpel /2020