Ev lêborîn ji bo sernaveke me ye.
Me duh dema nûçeya li ser êrîşa polîsan a li hemberî mebûsên Stenbolê Sebahat Tuncel, Sirri Sureyya Onder, Ertugrul Kurkçu, Levent Tuzel û hevalên wan nivîsî, me sernavek şaş nivîsî. 

Di êrîşê de herî zêde Tuncel rastî tehdeyê hatibû. Loma berî em nûçeyê biweşînin me sernaveke wisa nivîsî; "Sebahat Tuncel ji aliyê polîsan ve hat birîndarkirin û ew rakirin nexweşxaneyê". Sernav gelek dirêj bû, me neweşand.
Di heman kêliyê de me got em Onder jî bi sernav ve bikin, ew jî biribûn nexweşxaneyê; me lê kir, lê  bi şaşî me sernaveke wisa bikaranî: "Mebûs Tuncel ve Onder rakirin nexweşxaneyê".

"Ve"ya ku di sernava yekemîn de wateyeke wê hebû di vê derê de bû xwedî wateyeke din.

Wekî gelek kesên bi kurdî re eleqedar dibin û bala xwe didin ku kurdiyeke baş bikar bînin em jî wisa dikin. Lê carinan tiştên wisa jî çêdibin.

Em, ên ku wisa şaşiyan dikin, divê em bizanibin lêborînan jî bixwazin.

Ji ber sernaveke wisa şaş em lêborînê dixwazin.

Bi hêviya ku emê zêdetir bikaribin hay ji kurdiya xwe hebin.

Diyarname