Enqere
Mebûsê Mûşê yê DTP'ê Sirri Sakik xwest îtîbara Denîz Gezmişan bi paş ve bê dayîn û mudexeleya 1'ê Gulanê jî şermezar kir.

Mebûsê Mûşê yê DTP'ê Sirri Sakik li meclisê li derveyî rojevê axaftineke kir û li ser bi dardekirina Deniz Gezmiş, Huseyin Înan û Yusuf Aslan sekinî. Sakik gotina "Bijî Tirkiyeya tam serbixwe, bijî biratiya gelan" a Deniz Gezmiş bibîr xist, da zanîn ku ev gotin îro jî di cih de ye. Sakik wisa got: "Beramberî dardekirina Adnan Menderes, Deniz hatin dardekirin. Wê rojê dema Denîz dihatin dardekirin li vê mecmisê qîrîna 'Ji bo sisêyan sisê' dihatin kirin. Çawa neheqiya ku li hemberî Adnan Menderes hate kirin ji holê hate rakirin divê ya li hemberî Denîzan jî bê rakirin. Divê îtîbara Denîzan bi paş ve bê dayîn."
Sakik mudexeleya li çalakiya 1'ê Gulanê jî şermezar kir.
Her wiha rêxistinên ODP û EMEP'ê li Stenbolê bi daxuyaniyan Deniz Gezmiş, Huseyin Înan û Yusuf Aslan bibîr anîn.