Diyarname
Di çarçoveya "Saeta Dinyayê" de îro li her derê saeteke lembe têne temirandin.

Weqfa Parastina jiyana xwezayî (WWF) ji bo li dinyayê balê bikişîne ser guherîna kişwerê ev çend sal in bi navê "Saeta Dinyayê" her sal di meha adarê de rojekê saetekê lembeyan ditemirîne. Li hemû dinyayê temirandina tenê saetekê a lembeyan jî bi têra xwe tasarûfa enerjiyê dike. Îsal ev çalakî îro (26 adar) êvarê saet 20.30'de dest pê dike, heta saet 21.30.

Saeta Dinyayê (Earth Hour) di sala 2007'an de di bin pêşengiya WWF'ê de li Sydneyê dest pê kir û di sala 2008'an de li dinyayê belav bû.

Ev çend sal in her sal roja şemiya dawî ya adarê tê diyarkirin û di wê rojê de saetekê lembe têne temirandin. Îsal ev roj 26'ê adarê ye. Li bendê ne ku bi ser sed welatî re li welatan beşdariya vê çalakiyê pêk bê û her kes saetek lembeyên xwe bitemirîne.

Li dinyayê, li cihên navdar ên wekî Kûleya Eyfelê, Avahiya Empire State, Pramîdên Misrê jî beşdariya çalakiyê pêk tê.

Îsal jî li bendê ne ku beşdariyeke mezin pêk bê.

Em wekî Diyarname jî piştgirî didin vê çalakiyê û ji xwendevanên xwe yên her derê dinyayê daxwaz dikin ku vê êvarê saeteke lembeyên xwe bitemirînin.