Diyarname
Xelatên BAFTA'yê hatin belavkirin. Bi vê hema hema yên dê Oscaran bigirin jî diyar bûn.

Xelatên BAFTA'yê (Akademiya Hunerên Televîzyon û Fîlman a Îngilîz) hatin belavkirin. Ji bo belavkirina xelatan li avahiya dîrokî Rolay Opera House ya li Londonê merasima xelatdayînê li dar ket. Kesên wekî Emma Watson, Judi Dench, Julianne Moore, Audrey Tautou, Carey Mulligan, Helena Bonham Carter jî di nav de gelek aktor beşdarî merasimê bûn.

Fîlmê bi navê "The King’s Speech" ku Kralê 6'emîn ê Îngilistanê George bi alîkariya terapîstekî lalikiya xwe baş dike gelek xelat girt û çav berda Oscaran. Fîlmê derhêner Tom Hooper "The King’s Speech" ku di 12 waran de berendamê Oscarê ye, di warê  fîlmê herî serketî, lîstikvanê herî serketî, lîstikvana duyemîn a herî serketî, lîstikvanê duyemîn ê herî serketî jî di nav de di gelek waran de xelata BAFTA girt û mora xwe li şevê da.
Colin Firth ku bi rola di "King’s Speech" de xelata Lîstikvanê Herî Serketî girt par jî (bi rola di A Single Man de) heman xelat girtibû.

Xelata Fîlmê Herî Serketî jî "Social Network" girt ku çîroka wî li ser  avakirina Facebookê ye.

Lîstikvana delal û navdar Natalie Portman jî bi rola xwe ya di "Black Swan" xelata Lîstikvana Herî Serketî girt ku ew di heman demê de berendama Oscarê ye jî. Portman ji ber ku niha ducanî (bi heml) ye beşdarî merasimê nebû.

Vaye lîsteya yên ku xelatên BAFTA'yê girtin:

Fîlmê Herî Serketî: The King’s Speech
Lîstikvana Herî Serketî: Natalie Portman (Black Swan)
Lîstikvanê Herî Serketî: Colin Firth (The King’s Speech)
Derhênerê Herî Serketî: David Fincher (Social Network)
Lîstikvana Duyemîn a Herî Serketî: Helena Bonham Carter (The King’s Speech)
Lîstikvanê Herî Serketî: Geoffrey Rush (The King’s Speech)
Fîlmê Herî Serketî yê Îngilîz: The King’s Speech
Senaryoya Herî Serketî: The King’s Speech (David Seidler)
Fîlmê Biyanî yê Herî Serketî: The Girl With The Dragon Tattoo (Versiyona Swêdê)
Anîmasyona Herî Serketî: Toy Story 3
Senaryoya Lêanînê ya Herî Serketî: Social Network
Vesazkirina Produksiyonê ya Herî Serketî: Inception
Efekta Dîtbarî ya Herî Serketî: Inception
Makyaj û Porçêkirina Herî Serketî: Alice in Wonderland
Kincên Herî Serketî: Alice in Wonderland
Sînematografiya Herî Serketî: True Grit
Montaja Herî Serketî: Social Network
Dengsazkirina Herî Serketî: Inception
Muzîka Herî Serketî: The King’s Speech (Alexandre Desplat)
Kurteanîmasyona Herî Serketî: The Eagleman Stag
Kurtefîlmê Herî Serketî: Until The River Runs Red.

**

Nûçeya eleqedar:

- Berendamên Oscarê diyar bûn