Diyarname
Weqfa Dîrokê pirtûkek bi sernavê "Kurd Dili ve Edebiyati" (Zimanê Kurdî û wêjeya wê) ji bo dersê bi tirkî amade kir.

Weqfeke bi navê Tarih Vakfi ku li Stenbolê xebatên lêkolînî dike bi sernavê "Zimanê Kurdî û wêjeya wê" pirtûkek ji bo dibistanên navîn amade kir. Pirtûk bi tirkî ye û ji bo dersê wê pêşniyarî Wezareta Perwerdehiyê ya Tirkiyeyê bikin.

Weqfê di çarçoveya "Rola Perwerdehiyê di Lihevkirina Civakê de" pirtûk amade kir û li Cezayir Resturanta Stenbolê bi daxuyaniyeke çaqemeniyê da nasîn.

Ji Weqfa Dîrokê Gurel Tuzun, Bahar Bilgen tevî civaknas Bahar Şahir Firat, endamê Lijneya Şêwirê ya Projeyê û nivîskar Fehim Işik derketin pêşberî çapemeniyê û pirtûk dar nasîn.

Bi vê pirtûkê armanc ew e ku li Tirkiyeyê di dibistanên Lîseyê de pirtûk wekî "Dersa Zimanê Kurdî û wêjeya wê" bê xebitandin. Bi vê pirtûkê dikin ku "Li ser ziman û dîroka wêjeya kurdî, taybetiyên wê û berhemên girîng bide nasîn"

Endamê Weqfa Dîrokê Gurel Tuzun wisa got: "Der barê ziman û wêjeya kurdî mirov xwedî agahî gelek hindik in. Sedema çêkirina vê pirtûkê di nav pêşniyarên ku em ji bo MEB û raya giştî bikin de pêşniyara dersa hilbijêr jî hebe. Pirtûk ji bo dersê amade ye. Di dema amadekirina pirtûkê de MEB jî têde me û gelek saziyên sivîl bi hev re xebat kir. Em hê nizanin MEB dê di çiqas demê de bersivê bide; ev yek ne tenê pirsgirêka perwerdehiyê di heman demê de pirsgirêkek polîtîk e."

Ji şêwirmendên projeyê Kenan Çayir jî got ku ji bo dersa hilbijêr bi xebata navxweyî dikarin mamosteyan bigihînin û wisa got: "Çawa li dibistanan dersên Wêjeya Îngilîz û Alman tê dayîn, ev jî ne tiştek gelek zehmet e."

Hin agahiyên li ser xebatê:
- Ji bo amadekirina pirtûk ji 20 bajaran bi 121 kesî re dan û standin hatiye kirin.
- Di lêkolînê de dîtine ku wekî têkiliya nav polan (sinifan) di pirtûkên dersan de jî kurd tiştekî aîdê xwe nabînin. Der barê dîrok û çanda xwe tiştek nabînin, tune têne hesibandin. Jê wêdetir wekî neyînî têne nasîn. Bi vê pirtûkê dikin ku vê ji holê rakin.
- Di pirtûkê de sernavên li ser ziman û wêjeya kurdî hene.
- Wêjeya devkî ya kurdî, wêjeya nivîskî ya kurdî, wêjeya klasîk a kurdî, wêjeya hemdem a kurdî hin sernavên ku di pirtûkê de cih digirin.
- Her wiha li ser roman, çîrok, helbest û şanoya kurdî lêkolîn hatiye kirin, berhem hatine nirxandin û li ser van agahî di pirtûkê de hene.
- Pirtûk ji aliyê Mehmet Sait Çakar, Fehim Işik, Mehmet Mehmetoglu (Dîcle), Esra Sadikoglu, Ronahi Onen û Sami Tan ve hatiye amadekirin.