Diyarname

UEFA bi îdîaya tîmê gorey Fair Play a Fînansî hereket nêkerdê tîmê Premier Lîg ê Îngilistanî Manchester City (MC) 2 serî kewtişê aw a Lîgê Şampiyonan qedexe kerd. Xeynî ene ceza, UEFA 30 mîlyon Euro jî cezay pereyan da tîmî.

MC eno di serî bî pêserde Premier Lîg de beno şampiyon û şino Lîgê Şampiyonan, la di serî go nêşko şoro. Gorey biryarê UEFA, tîmê MC di Premier Lîg de mafê şiyayişê Lîgê Şampiyonan bigîro jî di serdemanê 2020-2021 û 2021-2022 de go nêşko şoro miyanê Lîgê Şampiyonan.

UEFA eno biryar da la heqê MC esto ke şoro CAS (Dadgeha Tahkîmî ya Sporî) de îtîraz bikero.

Yeno vatiş ke MC di pereyê sponsoran ra hamey tam nîşanê UEFA nêdayê û biryarê qontrolê madî îhlal kerdê. Rojnamey Der Spiegel serê ene joyde xebere kerdebî hedre û UEFA rapersîn dabî dest pa kerdin.