AMED
Weşanên Med seta ku ji 5 pirtûkên Musa Anter (Apê Musa) pêk tê çap kir.
Weşanên Med ku li Amedê weşana xwe dike niha seteke ji 5 pirtûkên Musa Anter pêk tê weşand.
Pirtûkên Apê Musa yên bi navê "Kimil", "Birîna Reş", "Ûlke û nivîsên Gundemê", "Bîranînên min" û "Vakayîname" berê li weşanxaneyên cur bi cur hatibûn çapkirin niha bi çapeke nû wekî seteke ji Weşanên Med derketin.
Vane ew pirtûk:
Nivîsên Ulke û Gumdemê
Ev pirtûk ji nivîsên Musa Anter ên ji rojnameya Ulke û Gumdemê pêk tê. Ev nivîs di navbera salên 1990 û 1992'yan de hatibûn weşandin û têde li ser pêvajoya wê demê nirxandin hatine kirin.
Birîna Reş:
Birîna Reş wekî piyesekê ye. Musa Anter wekî ceribandina yekemîn ev bi nav kiriye û wisa dibêje: "Min ev pirtûk di sala 1959'an di hûcreya 38'an de li Harbiyeyê ya Stenbolê nivîsand..."
Birîna Reş bi tirkî û kurdî hatiye nivîsandin.
Kimil:
Pirtûka "Kimil" ji nivîsên Apê Mûsa yên di sala 1959'an ên ji ber nivîsa "Kimil" a di rojnameya "Îlerî Yurdê" de derket û piştî vê nivîs hate darizandin pêk tê.
Vakayîname:
Di pirtûka "Vakayînameyê " de nivînên Apê Mûsa yên di navbera salên 1987 û 1992'yan ên Nisêbîn, Stîlîlê-Stenbol - Dragosê de pêk tê.
Hatiralarim (Bîranînên Min):
Di pirtûka "Hatiralarim" de jî bîranîn û serpêhatiyên Apê Mûsa yên girtîgehê û yên di demên cuda de cih digirin. Ji bilî bîranîna gelek nivîsên di rojnameyên cuda de hatine weşandin jî cih digirin.