Diyarname
Serokê Komeleya Nivîskarên Kurd Mehmet Devîren daxuyaniyeke nivîskî weşand, em wê pêşkêşî we dikin:

"Ji Çapemenî û Raya Giştî re,
Wek tê zanîn li ser daxwaza saziyên sivîl, raya giştî ya aştî xwaz, Partiya Karkerên Kurdistan careke din (di navbera 13’ê Tebaxê û 20 Îlonê de)  biryara bê çalakîtiyê da.
Weke hemû saziyan Komeleya Nivîskaran jî ev biryar silav  kir û pişgirî da biryara bêçalakîbûnê. Û hemû hewldanên me ji bo dirêjkirina biryara bêçalakîtiyê bû.
Lê Dewleta ku hînî rijandina xwînê bûye, tevî hemû hewldanên berdewamiya bêçalakîtiyê  operasyon û êrişên xwe berdewam kirin.
Û di encama cinayet û komkujiya li Colemêrgê du roj beriya Cejna Remezanê 9 şerwanên PKK’ê qetil kirin. Ev ne pevçûn an jî şerên navbera  PKK û dewletê ye. Ev   raste rast cinayet e. Cinayeteke teamuden e. Provakasyonek e. Bi vî awayî Cejna Remezanê li Kurdan heram kirin. Ev cînayet û qetlîam bi zanîn hatiye kirin.
Bi plan û bername hatiye meşandin.
Em bi tundî vê komkujiyê şermezar dikin.
Her çi qas Gelê Kurd şahidê bi sedan komkujiyên bi vî rengî be jî,  Dewleta Tirk careke din ruyê xwe yê reş  nîşanî  me da. Û Cejna Remezanê li Gele Kurd heram kir.
Banga me ji bo hemû  rewşenbîr, nivîskar, siyasetmedar, aştîxwaz û demokratan ev e.
Werin em vî agirî bi tefînin.
Werin em  pêşiyê li şerê qirêj bigirin.
Werin em  li nirxên mirovatiyê xwedî derkevin.
Serokê Komeleya Nivîskarê Kurd
Mehmet Devîren"