Amed
Kongreya Civaka Demokratîk (KCD) encamnameya 4'emîn Kongrya xwe ya asayî bi daxuyaniyekê ragihand. KCD ku Ahmet Turk û Aysel  Tugluk bûn serokê wê di encamnameya xwe de ji bo çareseriya pirsgirêka kurd hat xwestin ku Zagona Bingehîn ji binî ve bê guhartin û bi kurdan re muzakereyê bê çêkin. Her wiha Tirkiyeyek demokrat û Kurdistanek xweser hat xwestin.

4'emîn Kongreya Civaka Demokratîk çar rojan dom kir. Di van çar rojan de gelek nîpaş hatin kirin, endamên nû hatin hilbijartin û encamname hate pêşkêşkirin.

Di kongreyê de Hevserokên berê yên DTP’a hate girtin Ahmed Turk û Aysel Tugluk ku siyaset li wan hatiye qedexekirin ji bo serokatiya KCD'ê hatin hilbijartin. Hatîb Dîcle, Yuksel Genç, nivîskar Faîk Bulut, nivîskar Altan Tan, Şaredarê Bajarê Mezin ê Amedê Osman Baydemir û parlementerên BDP’ê jî di nav de, 101 kes bûn endamên herdemî yên meclîsa KCD’ê.

Encamnameya Kongreya KCD'ê ji aliyê Ahmet Turk ve hate xwendin.

Vane hin notên ji encamnameyê:
- Heta Zagona Bingehîn ji binî ve neyê guhertin, bi aliyê kurdan re muzakere neyê çêkirin û operasyon neyên sekinandin pirsgirêka kurd bi rêbazên leşkerî nayên çareserkirin.
- Ji dêvla ev xalên Zagona Bingehîn ku birine referandûmê divê Zagoneke Bingehîn a  demokratîk, sivîl û mafê hemû civakê diparêze bê avakirin.

- Zagona Bingehîn a heyî 80 sal in nasnameyên kurd, ermenî, suryanî, asûrî, keldanî, ereb her wiha bareweriyên elewî, êzîdî û baweriyên din înkar dike. Hemû azadiyên wan binpê dike. Ji ber vê yekê divê destûra bingehîna nû hemû nirx, reng, bawerî û nasnameyê civakê yên siyasî, civakî û aborî biparêze. Ji ber vê yekê kongreya me boykota destûra bingehîn helwesteke di cih de dibîne. Divê bi kurdan re muzakere bê kirin.

- Kongre, ji bo diyalog, muzakere û aştiyê şansek bê dayîn, bang li PKK'ê, hikûmetê û dewletê dike. Ji bo êdî tu kes nemire, pêvajoya muzakereyê dest pê bike, çek bên bêdengkirin.

- Xweseriya Demokratîk, li gorî dewleta demokratîk têkilîyan pêk tîne û rêxistinê wisa çêdike. Xweseriya demokratîk, komên cuda yên xweser dê çanda xwe bidin jiyin û birayên xwe bidin, xwe bi xwe rêvebibin. Pêşniyaza 'Tirkiyeya Demokratîk, Kurdistana Xweser' ev 3 salin ji aliyê KCD'ê ve wekî projeya çareseriyê tê parastin. Li Spanya, Almanya, Îtalya, DYA, Îngilistan, Rusya, Çîn û Hindistan ev mînak hene. Li gorî van ceribandinan KCD li Tirkiyeya demokratîk herêmên xweser pêk bên û bi hev re bên rêveberin dê yekîtiyê bi hêz bixe. Daxwaza 'Tirkiyeya Demokratîk, Kurdistana Xweser' daxwaz vîna yekîtiyê ye. Ev daxwaz dê bi têkoşîna gelê me û keda wan û pêşajoya muzekereyê bê înşakirin. Em wekî KCD dê di nava keda înşakirina xweseriya demokratîk da bin.

- Hemû kesên tevlî KCD'ê bûn dê ji bo vê armancê bixebitin û ji bo yekîtiya gelên Kurdistanê û gelên Tirkiyeyê kedê bidin.