Diyarname

Şaredariya Bajarê Mezin a Amedê vê carê ji bo zarokan hunerê dibe navçeyan. Di vê çarçoveyê de “Rojên Şanoya Zarokan a Gerok" li dar dixe. Di bernameyan de lîstikên şanoyê, pandomîn, jonglêr û lîstikên palyaçoyan heye. Şano dê li navenda bajêr û 10 navçeyan li dar bikeve. Bername roja 20'ê mehê li Bismil (Parka Biratiyê) û Erxeniyê (Parka Ciwanan) saet 19.30 dest pê dike

Paşê roja 21'ê mehê li Licê û Pîranê, 22'yê mehê li Karaz û Farqînê, 23'yê mehê li Çinar û Hezroyê,  24'ê mehê li Pasûr û Gêlê, 25'ê mehê li navenda bajêr li Parka Newrozê û Parka Ben û Sen, 26'ê mehê li navenda baj3er li Parka Temayê û Parka Koşuyolu lîstik bêne pêşkêş kirin.

Li navçeyan lîstik saet 19.30 de, li navenda bajêr saet 20.00 de li dar dikevin.

‘Mebesta me berbelavkirina hunerê ye’

Serokê Daîreya Karûbarên Çandî û Civakî ya Şaredariya Bajarê Mezin Yavuz Akkuzu der barê mijarê de agahî dan û diyar kir ku bername 7 roj in, 5 rojên wê wan ji bo navçeyan veqetandine. Akkuzu bal kişand ku ew bernameyên navçeyan bi hevkariya şaredariyên van deran pêk tînin û got ku ji vir pê de her sal di navbera Gulan-Kewçêrê de dê gelek bernameyên wan ên hunerî hebin. Akkuzu diyar kir ku berê bernameyên hunerî li navendan dihatin kirin, armanc ew e ji vir pê de bernameyên hunerî daxînin nav xelkê û berbelav bikin. "