Diyarname

Lîstikvanê navdar Sylvester Stallone niha xwe ji bo Rambo 5 amade dike. Heta niha di rêzeyên fîlmên Rambo de wî lîst û niha di 72 saliya xwe de ye û xwe ji bo Rambo 5 amade dike.

Sylvester Stallone li ser vê yekê axiviye û dibêje ku ji bo xwe amade bike çûye salonên sporê, dixebite lê vê yekê bandorên neyînî li laşê wî kirine. Stallone wisa gotiye: "Ji bo kişandina Rambo 5 ez vegeriyam salonên sporê û vê yekê di laşê min de xisar çêkirin. Niha divê ji bo başkirina vê xisarê ez bixebitim."

Rêzeya nû ya Ramboyan bi navê "Rambo 5: The Last Blood" hat kişandin. Derhêneriya vê Adrian Grunberg kiriye. Li Stallone lîstikvan Paz Vega, Óscar Jaenada, Yvette Monreal, Adriana Barraza û Sergio Peris-Mencheta rol girtiye ser milên xwe.

Di Rambo 5 de John Rambo di dawiyê de cih û war dibe. Li Arîzonayê ji xwe re jiyaneke nû saz dike. Çiftlikek dikire û ji bo jiyaneke bi aram dikeve nava tevgerê. Her wiha malbatek jî çêdike bo xwe. Ew du kesan wekî malbata xwe dibîne yek jê Maria ye û ya din jî Gabriella ye. Piştî ku meksîkî tên Gabriellayê direvînin jiyana wî ya bi aram xira dibe. Di vê demê de hîn dibe ku ew keçên ciwan direvînin û wan dehfî nava fihûşê didin. Rambo ji bo ji bo keçikên hatine revibandin rizgar bike û edaletê saz bike dê hemû hunera xwe nîşan bide.

Fîlmê Rambo 5: The Last Blood hat û pirsgirêkek dernekeve dê 20'ê rezbera 2019'an bikeve vîzyonê.