Amed

Şaredarê Sûra Amedê ê girtî Abdullah Demirbaş îro li Nexweşxaneya Perwerdehî û Lêkolînê ya Zanîngeha Dîcleyê ya Amedê hat emeliyetkirin. Demirbaşê ku di dilê wî de xitimîna reh heye anjiyo kirin.

Demirbaşê ku li Girtîgeha Amedê girtî ye, îro li Beşa Kardiyolojiyê ya Nexweşxaneya Perwerdehî û Lêkolînê ya Zanîngeha Dîcleyê ya Amedê hat emeliyetkirin.

Parêzerê Demirbaş, Sertaç Eke, der barê tenduristiya wî de diyar kir, ku rewşa tenduristiya miwekilê wî giran e û wiha got: "Me gelek caran serî li nexweşxaneyê da, lê bi tu awayî bersi nedan. Berevajî vê, serîlêdanên me hatin redkirin. Tevî ku me gelek caran ji berpirsan re got jî, lê di warê zagonî de me tu encam bi dest nexist."

Eke diyar kir, ji bo ku ew ji Nexweşxaneya Perwerdehî û Lêkolînê ya Zankoya Dîcleyê raporeke nû bigirin, serîlêdana xwe ya nû kiriye û wiha berdewam kir: "Di encama rapora ku derkeve de, emê serî li Serdozgeriya Komarê ya Amedê bidin û daxwaza berdan û dermankirina miwekilê xwe bikîn."